Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Пӑчӑрӑн пырши тухсан та виҫӗ кун пурнасшӑн.
[ваттисен сӑмахӗ]
 

Хыпарсем: полицейскисем

Республикӑра
ШӖМ тунӑ сӑн
ШӖМ тунӑ сӑн

Авӑн уйӑхӗн 23-мӗшӗнче полицейскисем Кӳкеҫ ҫывӑхӗнче, М-7 ҫул ҫинче, арҫын ҫул хӗррипех утнине асӑрханӑ. Вӑл хӑй ӑҫта пулнине ӑнланманни палӑрнӑ.

Пакунлисем ватӑ арҫынна полици уйрӑмне илсе ҫитернӗ.

64 ҫулти арҫыннӑн ҫумра телефон пулман. Вӑл ӑҫтан пулнине ыйтса пӗлнӗ. Хайхискер Карачураран иккен. Вӑл каҫхине тӑванӗсене каламасӑр килтен тухса кайнӑ. Полицейскисем ӑна киле илсе ҫитернӗ.

Тӑванӗсем каланӑ тӑрӑх, арҫын ӑс-тӑнӗ арпашӑннипе аптӑрать. Эппин, пакунлисем ӑна вӑхӑтра пулӑшнӑ.

Хыпар ҫӑлкуҫӗ: https://pg21.ru/news/81825
 

Хулара
ШӖМ тунӑ сӑн
ШӖМ тунӑ сӑн

Шупашкарта пурӑнакан 49 ҫулти арҫын хайӗн дачинче кантӑр евӗр ӳсен-тӑран ҫитӗнтернине тупса палӑртнӑ. Ун патӗнче полицейскисем 96 ӳсен-тӑран тата 3 михӗ наркотиклӗ ӳсен-тӑран /пӗтӗмпе унта 3 килограмм пулнӑ/ тупнӑ.

Арҫын ӑнлантарнӑ тӑрӑх, вӑл наркотик тутанать, ҫавӑнпа ӑна хӑйӗн валли ӳстернӗ. Вӑррине ҫуркунне туянса ӑна дачӑра акнӑ.

Арҫын тӗлӗшпе пуҫиле ӗҫ пуҫарнӑ.

 

Республикӑра
ШӖМ тунӑ сӑн
ШӖМ тунӑ сӑн

Ку шӑматкун Пӑрачкав районӗнчи Анастасово ялӗнчи сутуҫӑ лавккана ҫитнӗ те - алӑкӗ уҫӑ. Шалта никам та пулман, анчах икӗ ещӗк эрех ҫухалнӑ.

Ҫакна кам тунӑ? Кӳршӗ ялта та такам лавккана кӗме хӑтланнӑ-мӗн. Ялти ҫынсем ун умӗнче шавланине илтнӗ. Полицейскисем пӗр ҫын килӗнче шӑпах вӑрланӑ эрех кӗленчисене тупнӑ. Кил хуҫи ӑнлантарнӑ тӑрӑх, ӑна пӗлӗшӗ илсе килнӗ. Йӗрке хуралҫисем унӑн 49 ҫулти пӗлӗшне тытса чарнӑ. Вӑл судпа унччен те айӑпланнӑ. Лавкка алӑкне ҫӗмӗрнӗ лума та ҫавӑнтах тупнӑ.

 

Республикӑра
ШӖМ тунӑ сӑн
ШӖМ тунӑ сӑн

Чӑваш Енри 45 ҫулти хӗрарӑм тӗнче тетелӗнче арҫынпа паллашнӑ. Лешӗ ют ҫӗршыври тухтӑр-мӗн. Вӗсен юрату пуҫланнӑ.

Кӑштахран арҫын савнине хаклӑ посылка йышӑнма ыйтнӑ. Укҫине килсен саплаштпрма шантарнӑ. Ҫапла хӗрарӑм тӗрле счет ҫине 2,7 милллион тенкӗ куҫарнӑ. Анчах савнийӗ ниепле те чарӑнайман, татах укҫа ыйтнӑ. Хӗрарӑм ҫавӑн чухне тин вӑл ултавҫӑ пулнине ӑнланнӑ, полицие пӗлтернӗ.

Оперативниксем ҫав ҫын Нигерирен пулнине, Чӑваш Енри хӗрарӑм куҫарса панӑ укҫана Питӗрти банкоматран илнине палӑртнӑ. Полицейскисем служба командировкине кайса 41 ҫулти арҫынна тытса чарнӑ, ӑна пирӗн республикӑна илсе килнӗ. Ун тӗлӗшпе пуҫиле ӗҫ пуҫарнӑ.

 

Республикӑра
ШӖМ тунӑ сӑн
ШӖМ тунӑ сӑн

Шупашкарта пурӑнакан икӗ ҫын Ҫӗрпӳ районӗнчи никам пӑхса тӑман уйра кантӑр ҫитӗнтернӗ. Полицейскисем 400 ытла тӗмӗ тупса палӑртнӑ.

Ҫурла уйӑхӗн 26-мӗшӗнче ҪҪХПИ инспекторӗсем наркотик ҫаврӑнӑшне тӗрӗслекен ӗҫченсемпе пӗрле вӑрмантан А-151 ҫул ҫине тухакан машинӑна чарнӑ. Салонра ӳсен-тӑран тупнӑ.

54-ри водитель тата 37 ҫулти пассажир медосвидетельствовани витӗр тухма килӗшмен. Суд йышӑнӑвӗпе килӗшӳллӗн, куншӑн иккӗшне те 3 талӑклӑха арестленӗ. Водителӗн правине туртса илме, пысӑк штраф тӳлеттерме пултараҫҫӗ.

Кайран йӗрке хуралҫисем пушӑ уйра кантӑр ӳснине асӑрханӑ. Пӗтӗмпе – 120 тӑваткал метр. Арҫынсен тӗлӗшпе пуҫиле ӗҫ пуҫарнӑ.

 

Республикӑра
9111.ru сайтри сӑн
9111.ru сайтри сӑн

Виҫӗ ватӑ хӗрарӑм тӑванӗсене ҫӑлас тесе пӗтӗмпе 500 ытла пин тенкӗ панӑ. Малтанах вӗсем ултавҫӑсен тӗлне пулнине ӑнланман ҫав.

Ку йӑлтах ҫурлан 11-мӗшӗнче пулнӑ. 72-ри хӗрарӑм патне «йӗрке хуралҫи» шӑнкӑравланӑ. Унӑн мӑнукӗ машинӑпа ҫынна ҫапса хӑварнӑ имӗш. Хайхи ҫын мӑнукне яваплӑхран хӑтарма пултарать-мӗн. Хӗрарӑмӑн 100 пин тенкӗ куҫарса памалла ҫеҫ.

84-ри хӗрарӑм та 100 пин тенкӗсӗр юлнӑ. Унӑн тӑванӗ авришӗн айӑплӑ тенине ӗненнӗ вӑл.

88 ҫулти хӗрарӑм вара ытларах шар курнӑ. Вӑл курьера 300 пин тенкӗ тыттарса янӑ. Тепӗр кунхине тӑванӗсем патне шӑнкӑравласан тин вӗсемпе ним те пулманнине, ӑна такам улталанине пӗлнӗ.

Халӗ полицейскисем ҫав ҫынсене тупса палӑртас тӗлӗшпе ӗҫлеҫҫӗ.

 

Республикӑра
ШӖМ тунӑ сӑн
ШӖМ тунӑ сӑн

Чӑваш Енри полицейскисем патне хыпар ҫитнӗ: кӗҫех Ярославль облаҫӗнчен пирӗн республикӑна курттӑмӑн наркотик сутакан наркокурьер килмелле.

Ҫав ҫынна, 39 ҫулти Ливан арҫыннине, ҫурла уйӑхӗн 6-мӗшӗнче каҫхине тытнӑ. Ӑна республикӑна кӗнӗ ҫӗрте, Пӑрачкав районӗнче, чарнӑ. Капочӗ айӗнче 6 килограмм наркотик тупнӑ.

Малтанлӑха пӗлтернӗ тӑрӑх, вӑл наркотик тӗркисене Ярославль облаҫӗнче вӑрттӑн вырӑнсенчен илнӗ, Чӑваш Енре сутма палӑртнӑ.

Ҫав арҫын тӗлӗшпе пуҫиле ӗҫ пуҫарнӑ.

 

Республикӑра
Следстви комитечӗн архивӗнчи сӑн
Следстви комитечӗн архивӗнчи сӑн

Шупашкарти «Экра» предпряитире ӗҫленӗ Татьяна Качковӑна полицейскисем шыранӑ. Ҫак кунсенче ӑна тытса чарнӑ. Вӑл 185 миллион тыла тенкӗ ҫухалнӑ ӗҫпе ҫыхӑннӑ тесе шутлаҫҫӗ.

Ҫак хӗрарӑм предприятире финанспа экономика службин ертӳҫинче ӗҫленӗ. Халӗ ӑна килти ареста лартнӑ. Пуҫиле ӗҫе малалла тӗпчеҫҫӗ.

Следстви палӑртнӑ тӑрӑх, 2010 ҫулхи кӑрлачран пуҫласа 2013 ҫулхи ҫу уйӑхӗччен хӗрарӑм Ирина Дрозд бухгалтера укҫа вӑрлама пулӑшса пынӑ, преступлени йӗрне ҫухатнӑ. Ҫапла вӗсем хӑйсен тата упӑшкин счечӗсем ҫине 185 миллион та 469 пин тенкӗ куҫарнӑ.

Хӗрарӑма айӑплама тӑрсан вӑл ҫухалнӑ, урӑх регионта 2 эрне пытаннӑ. Ҫурлан 7-мӗшӗнче полицейскисем вӑл Мускавра пулнине палӑртнӑ. Ӑна тытса чарса Чӑваш Ене илсе килнӗ.

 

Республикӑра
ШӖМ тунӑ сӑн
ШӖМ тунӑ сӑн

4 ҫулти ачана япӑх пулсан ашшӗпе амӑшӗ ӑна хӑйсен машинипех Шупашкарти пульницӑна илсе ҫитерме шутланӑ. Анчах Шупашкар районӗнчи Хыркасси патне ҫитсен пӑкӑна лекнӗ, ҫавӑнпа ҫул хӗррипе кайма шутланӑ. Ҫемье - Мари Элтен.

Вӗсене ҫул-йӗрпе патруль служби чарнӑ. Полици лейтенанчӗ Виталий Синельников тата унӑн ӗҫтешӗ Александр Краснов амӑшӗпе ачине служба машини ҫине куҫса ларма сӗннӗ. Ҫапла вӗсем хулана часах ҫитнӗ. Вӗсене вара унта тухтӑрсем кӗтсе тӑнӑ.

Хыпар ҫӑлкуҫӗ: https://pg21.ru/news/80792
 

Республикӑра

ҪҪХПИ инспекторӗсем Мари Эл арҫыннине шыраҫҫӗ. Следстви комитечӗн Чӑваш Енри управленийӗ пӗлтернӗ тӑрӑх, вӑл полицейские вӗлерме тӑнӑ.

Следстви версийӗ тӑрӑх, утӑ уйӑхӗн 27-мӗшӗнче Муркаш районӗнчи Токшик ялӗнче ҫул-йӗрпе патруль тата полици ӗҫченӗсем ВАЗ-2114 машинӑна чарнӑ. Руль умӗнче ӳсӗр 29 ҫулти арҫын ларнӑ. Вӑл - Мари Эл ҫынни.

Хайхискер чарнӑшӑн кӑмӑлсӑрланнӑ, багажникрен канистр кӑларнӑ та йӗрке хуралҫисене бензинпа сапнӑ, унтан шӑрпӑк ҫутнӑ. Пӗр полицейскин ӳчӗн 50 проценчӗ пиҫсе кайнӑ. Унӑн ӗҫтешӗ аманман.

 

Страницӑсем: 1, 2, 3, 4, [5], 6, 7, 8, 9, 10, 11, 12, 13, 14, 15, ... 27
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
хуҫа арӑмӗ
хуть те кам тухсан та
ӑсатма тухни — ҫылӑх, юрамасть
кил-йышри арҫын
хуҫа тарҫи
хуҫа хӑй
пӗтӗм кил-йышпа тухаҫҫӗ
хӑнана ӑсатма никам та тухмасть