Сайта кӗр | Регистраци | Сайта кӗрсен унпа туллин усӑ курма пулӗ
 +0.3 °C
Тумлам шыв та тинӗсе пулӑш.
[ваттисен сӑмахӗ]
 

Хыпарсем: шоусем

Персона
«Контактри» сӑн
«Контактри» сӑн

Ҫӗнӗ Шупашкарти Марина Нехаева «Раҫҫей 1» каналпа кӑтартакан «Сто к одному» шоу ҫӗнтерӳҫи пулса тӑнӑ. Вӑл «Чревовещатели» командӑпа пӗрле тупӑшса 100 пин тенкӗ выляса илнӗ. Команда 397:126 шутпа мала тухнӑ.

Марина шоуна хӑйӗн Ляля ятлӑ пуканипе кайнӑ. Вӑл ӑна хӑйӗн копийӗ тет. Пирӗн ентеш Раҫҫейри ытти ертӳҫӗпе пӗрле командӑра пулнӑ.

Палӑртмалла: Марина Ҫӗнӗ Шупашкарта ҫуралса ӳснӗ. Мӗн ачаран сӑнарсем валли сасӑсем хатӗрлеме юратнӑ, паллӑ ӑстапа Ольга Лифенцевӑпа паллашсан вӑл чревовещатель профессине суйланӑ. Ляля пуканене вӑл Пермьри ӑстаран саккас панӑ.

Хыпар ҫӑлкуҫӗ: https://vk.com/wall-194537172_25362
 

Персона
"Контактри" сӑн
"Контактри" сӑн

Шупашкарта пурӑнакан 13 ҫулти Макар Сниткин СТС каналпа пыракан «Суперниндзя. Дети» телешоуна хутшӑннӑ.

Вӑл пӗрремӗш йывӑр задание хӑвӑрт пурнӑҫланӑ. Иккӗмӗш тапхӑрта та маттур пулнӑ, ункӑна ярса илнӗ, анчах сикнӗ чухне тытӑнса тӑрайман – шыва ӳкнӗ.

Шел те, Макар ҫурмафинала ҫитеймен. Ҫапах маттур пулнӑ вӑл, хӑюлӑхӗпе чӑтӑмлӑхне кӑтартнӑ.

Хыпар ҫӑлкуҫӗ: https://vk.com/wall-191629825_77289
 

Республикӑра

Етӗрнере пурӑнакан Константин Гавриилович Game2: Winter реалити-шоуна хутшӑнасшӑн. Ку шоура ҫынсем вилӗмрен ҫӑланассишӗн тӑрӑшаҫҫӗ.

Хальлӗхе проекта хутшӑнма пултаракансем 60 ытла ҫын. Ҫулла валли вӗсенчен 30-шне ҫеҫ суйлӗҫ. Вӗсене вара Ҫӗпӗр тайгине 9 уйӑхлӑха ярӗҫ. Ҫӗнтерӳҫе 100 миллион тенкӗ парса хавхалантарӗҫ.

Вӑйӑ йӗрки ансат мар: ҫынсен хӑйсен апат тупмалла, вӑрманта пурӑнмалли тумалла. Тӗлӗнмелле те, конкурса хутшӑнакан кашни ҫын тайгара сусӑрланма пултаратӑп тесе алӑ пусать. Ҫавӑн пекех вӑл алӑ пусса хӑйне мӑшкӑллама, вӗлерме пултарассине ӑнланса алӑ пусать.

Шоуна ҫичӗ чӗлхепе кӑтартса пырӗҫ. Вӑййа 2 пин камера ӳкерӗ, ҫавӑнпа шоуна тӗнче тетелӗнче, федераци каналӗсемпе курма май пулӗ

 

Персона

Ҫӗнӗ Шупашкарти Александр Волков ТНТ телеканапа эфира тухакан «Ташӑ» кӑларӑма хутшӑнать. 28 ҫулти ташӑҫӑ унта 3 миллион тенкӗшӗн тата Раҫҫейри чи лайӑх ташӑҫӑ ята ҫӗнсе илессишӗн тупӑшать.

Иртнӗ эрнере Александр пӗччен ташланӑ. Хальхинче унӑн хӗрпе юрату ташши ташламалла пулнӑ. Унпа пӗрле Кейӳри Пена ташланӑ.

Шел те, Александр Волковпа ташланӑ Пенӑн шоу вӗҫӗнче кайма тивнӗ. Анчах Александр Волков проекта малалла та хутшӑнма пултарать. Эппин, уншӑн кунсерен сасӑламалла ҫеҫ.

Проектпа килӗшӳллӗн, кашни эрнере кашни командӑран чи сахал балл пухнӑ виҫшер ҫын каять. Иккӗшне Сергей Светлаков ҫӑлса хӑварать. Ыттисен шӑписене юлашкинчен Егор Дружинин тата Мигель татса параҫҫӗ.

Хыпар ҫӑлкуҫӗ: http://pg21.ru/news/view/74280
 

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.12.2025 15:00) тӗтреллӗ ҫанталӑк, атмосфера пусӑмӗ 760 - 762 мм, 0 - 2 градус ӑшӑ пулӗ, ҫил 2-4 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрне ансатах пулмӗ, анчах халӗ хӑвӑра алла илсе кая хӑварнӑ ӗҫсене пурнӑҫлама тытӑнни пӗлтерӗшлӗ. Юратура ӑнӑҫлах мар. Пӗччен Сурӑхсен хӑйсен статусӗпе киленмелле, ӑна улаштарасишӗн талпӑнмалла мар. Ҫемьеллисен вара пӗрлехи ытйусене татса памалла.

Раштав, 03

1829
196
Золотницкий Николай Иванович, чӑваш чӗлхе пӗлӗвӗн никӗсне хываканӗ, тӗпчевҫӗ, этнограф ҫуралнӑ.
1906
119
Пиктемир Николай Никитич, чӑваш сӑвӑҫи, тӑлмачӗ ҫуралнӑ.
1953
72
Ефимов Лев Архипович, чӑваш ҫыравҫи, историкӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуҫа арӑмӗ
хуҫин ҫитӗннӗ ачисем
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
хуҫа тарҫи
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуть те кам тухсан та
кил-йышри арҫын