Ӗнер каҫхине Шупашкарта Трактор тӑвакансен проспектӗнчи ҫуртра 9-мӗш хутри хваттер ҫуннӑ. Ҫӑлавҫӑсем 16 ҫынна эвакуациленӗ.
Малтанлӑха палӑртнӑ тӑрӑх, виҫӗ пӳлӗмлӗ хваттерте пушар кил хуҫи хӗрарӑмӗн 19-ти мӑнукне пула тухнӑ. Вӑл пирус туртнӑ чухне ӑна сӳнтемесӗрех ҫывӑрса кайнӑ. Пушар вӑхӑтӗнче килте вӑл кӑна пулнӑ. Юрать-ха, каччӑ хӑй тӗллӗнех урама тухса ӗлкӗрнӗ. Подъездра тӗтӗм саралнӑран ҫӑлавҫӑсен 16 ҫынна урама илсе тухма тивнӗ. Вӗсенчен 6-шӗ – ачасем.
Ҫӑлавҫӑсем пушара 40 минутра сӳнтернӗ.
Авӑн уйӑхӗн 25-мӗшӗнче каҫхине Канаш округӗнчи Ушанар ялӗнче пушар тухнӑ. Шел те, инкекпе вӗҫленнӗ вӑл.
Ҫулӑм йывӑҫ стенасене тата урая ярса илнӗ. Пушара ҫӑлавҫӑсем ҫур сехетрен сӳнтернӗ. Пӳртре кил хуҫин виллине, 59 ҫулти хӗрарӑма, тупнӑ.
Халӗ Инкеклӗ лару-тӑру министерстви пушар мӗнрен тухнине тӗпчет.
Муркаш округӗнчи ҫӑлавҫӑсен кил хуҫисене ҫӗленрен ҫӑлма кайма тивнӗ. Ку авӑн уйӑхӗн 2-мӗшӗнче пулнӑ.
Нискассинче пурӑнакан арҫын килте тирпейленӗ чухне ҫӗлен пулнине асӑрханӑ. Вӑл самай пысӑк пулнӑ. Кил хуҫи тӳрех ҫӑлав службине шӑнкӑравланӑ. Анчах ҫӑлавҫӑсем ҫитиччен ҫӗлен урама шуса тухса кайнӑ.
Килте ҫӗлен асӑрхасан мӗн тумалла-ха? Чи малтан тавралла пӑхмалла. Тен, унта татах пур. Кайран майӗпен айккинелле кайса ҫӑлав службине шӑнкӑравламалла.
+1.3 °C