Сайта кӗр | Регистраци | Сайта кӗрсен унпа туллин усӑ курма пулӗ
 +11.3 °C
Ӗҫчен ҫынран ӗҫ хӑрать.
[ваттисен сӑмахӗ]
 

Хыпарсен ҫыххи: Хулара

Хулара
forum.zarulem.ws сӑнӳкерчӗкӗ
forum.zarulem.ws сӑнӳкерчӗкӗ

Шупашкар хулинче паян, ҫу уйӑхӗн 16-мӗшӗнче, ҫул урлӑ каҫакан хӗрарӑма машина ҫапса кайнӑ.

Пӑтӑрмах Ленин проспектӗнчи 31-мӗш ҫурт патӗнче, «Читай-город» лавккаран инҫех мар ҫӗрте, пулса иртнӗ. Ҫуран ҫӳрекенсене каҫса ҫӳремелли ятарлӑ вырӑнпа каҫакан хӗрарӑм ҫине ГАЗель пырса кӗнӗ.

Инкек самантне ӳкерсе илнӗ видеотӑрӑх хакласан, хӗрарӑм малалла мечӗк пек ывтӑнса кайнӑ.

Хӗрарӑма пульницӑна ӑсатнӑ.

Пӑтӑрмах пирки хыпар вырнаҫтарнӑ ҫӑлкуҫра ҫуран ҫӳрекенсен те питӗ тимлӗ пулмалла тесе калакансем сахал мар.

 

Хулара
favim.ru сайтри сӑн
favim.ru сайтри сӑн

Шупашкарти Мускав районӗнче Светозар ятлӑ арҫын ачана регистрациленӗ. Вӑл ака уйӑхӗн вӗҫенчех ҫут тӗнчене килнӗ

Светозар - ҫемьери виҫҫӗмӗш ача. Ун валли ашшӗ-амӑшӗ хӑйне евӗр ят суйланӑ. Ҫак ятпа пирӗн несӗмӗлсем тӗне кӗмен чухнех усӑ курнӑ-мӗн.

Светозар "ҫутӑ сапалакан" тенине пӗлтерет. Аса илтерер: Шупашкарта Космос ятлӑ ача та пур.

Хыпар ҫӑлкуҫӗ: https://pg21.ru/news/79099
 

Хулара
патриотам.рф сайтри сӑн
патриотам.рф сайтри сӑн

Ҫу уйӑхӗн 9-мӗшӗнче тумтир сутакан ҫын полицие пынӑ. Ӑна тавар туянакансем улталаса хӑварнӑ-мӗн.

51 ҫулти сутуҫӑ каланӑ тӑрӑх, унӑн павильонне хӗрпе каччӑ пынӑ, арҫын курткипе джинс шӑлавар суйланӑ. Хайхискерсем укҫа тӳленӗ чухне ӑна онлайн мелпе куҫарса панӑ, 4 пин тенкӗлӗх суя чек кӑтартнӑ та ҫав вырӑнтан ҫухалнӑ.

Ултавҫӑсене часах тупнӑ. Ҫак ӗҫе Шупашкарта пурӑнакан 28 ҫулти каччӑпа унӑн савнийӗ тунӑ-мӗн.

Йӗрке хуралҫисем пуҫиле ӗҫ пуҫарнӑ. Каччӑна тытса чарнӑ.

Хыпар ҫӑлкуҫӗ: https://pg21.ru/news/79093
 

Хулара

Шупашкарта пурӑнакан 35 ҫулти арҫыннӑн ака уйӑхӗн 24-мӗшӗнче юбилейне паллӑ тума укҫа пулман. Вӑл никамӑн та мар тесе шухӑшланӑ машинӑна, «копейкӑна», тимӗр-тӑмӑра пама шутланӑ. Машина Мир проспектӗнче унӑн килӗнчен инҫех мар ларнӑ.

«Копейка» ҫухалнине хуҫи ҫу уйӑхӗн 10-мӗшӗнче асӑрханӑ та полицие пӗлтернӗ. Йӗрке хуралҫисем пуҫиле ӗҫ пуҫарнӑ.

Вӑрра тӳрех тытса чарнӑ. Следстви пынӑ вӑхӑтра унӑн ют ҫӗре тухса ҫӳреме юрамасть.

 

Хулара
cheb.ru сайтри сӑн
cheb.ru сайтри сӑн

Паян Шуппашкарти Президент бульварӗнче вырнаҫнӑ Правительство ҫуртӗнчен ҫынсене эвакуациленӗ. Кӑнтӑрла электронлӑ почтӑна унта бомба хуни пирки ҫыру ҫитнӗ.

Правительство ҫуртӗнче ӗҫлекен ҫынсене, унта килнисене - пӗтӗмпе 450 яхӑн ҫынна - урама кӑларнӑ. Телее, "бомба хунӑ" тесе килнӗ хыпар суя пулнӑ.

Аса илтерер: кӑҫал нарӑс тата пуш уйӑхӗсенче электронлӑ почтӑсене бомба хуни пирки хыпар килнӗ тесе чылай ача пахчипе шкула, суту-илӳ центрӗсене эвакуациленӗ. Кашнинчех ку суя хыпар пулнӑ.

 

Хулара
cap.ru сӑнӳкерчӗкӗ
cap.ru сӑнӳкерчӗкӗ

Ӗнер Шупашкарта иртнӗ "Вилӗмсӗр полк" акцие 27 пине яхӑн ҫын хутшӑннӑ. Унта Донбасран эвакуациленнисем килнӗ. Пӗр ҫемье, тӗслӗхрен, Тӑван ҫӗршывӑн Аслӑ вӑрҫине хутшӑннӑ тӑванӗн портретне йӑтса утнӑ. Салтак Чӑваш Енре ҫуралнӑскер пулнӑ, Совет Союзӗн Паттӑрӗн ятне тивӗҫнӗ.

Аса илтерер: пандемие пула икӗ ҫул Ҫӗнтерӳ кунӗнче мероприятисем онлайн мелпе иртмен. Кӑҫал парад та пулнӑ, салют та янӑ, ытти мероприяти те иртнӗ.

Хыпар ҫӑлкуҫӗ: https://pg21.ru/news/79012
 

Хулара
"Про Город" сайтӗнчи сӑн
"Про Город" сайтӗнчи сӑн

Шупашкарта 17-мӗш маршрутпа ҫӳрекен троллейбусра кондуктор та кирлӗ мар. Унта стационар валидаторӗ вырнаҫтарнӑ.

Вӑл пулӑшнипе банк карттипе е ЕТКпа тӳлесе билет туянма пулать. Пассажирӑн укҫа кӑна пулсан ӑна водитель билет парать.

Палӑртмалла: хӑш-пӗр троллейбусра валидатор вырнаҫтарасси пирки пӗлтернӗччӗ. Ку сӑнав проекчӗ пек пулнӑ.

Хыпар ҫӑлкуҫӗ: https://pg21.ru/news/79012
 

Хулара
proprikol.ru сайтри сӑн
proprikol.ru сайтри сӑн

Шупашкарти Тӑван ҫӗршывӑн Аслӑ вӑрҫин ветеранӗсене, сусӑрӗсене, вӑрҫӑ вӑхӑтӗнче юлашки призыва хутшӑннисене таксипе тӳлевсӗр илсе ҫӳрӗҫ.

Ветеранӑн е унӑн официаллӑ представителӗн телефон номерне Пенси фондӗнче регистрацилемелле. Такси чӗнмешкӗн ветеран ҫумне ҫирӗплетнӗ соцӗҫчен патне шӑнкӑравламалла.

Пӗр ҫын пуҫне 3 пин тенкӗ таран субсиди уйӑрса парӗҫ. Акци ҫу уйӑхӗн 6-мӗшӗнче пуҫланнӑ, ҫулталӑк вӗҫлениччен парнӑҫланӗ.

Хыпар ҫӑлкуҫӗ: https://pg21.ru/news/79002
 

Хулара

Ҫу уйӑхӗн 8-мӗшӗнче Шупашкарти «Ҫӗнӗ хула» микрорайонта пӑши чупса ҫӳренӗ. Ӑна унта пурӑнакансем видео ӳкернӗ.

Пӑши шкул умӗнче чупса ҫӳренӗ, ниҫта кайма пӗлмесӗр тимӗр карта ҫине те пырса тӑрӑннӑ.

Кайран ҫак пӑшие водительсем Сӗнтӗрвӑрри ҫулӗ ҫинче те курнӑ. Сӑмах май, нумаях пулмасть Улатӑр тата Шупашкар районӗсенче пӑшисене машина ҫапса кайнӑ.

 

Хулара
cap.ru сӑнӳкерчӗкӗ
cap.ru сӑнӳкерчӗкӗ

Ҫӗнтерӳ кунӗнче ретро-троллейбус ҫула тухӗ. 1964 ҫулта туса кӑларнӑскер яланхи пекех 1-мӗш маршрутпа ҫӳрӗ. Ҫула ирхи 9 сехетре тухӗ те 18 сехетре вӗҫлӗ.

Руль умӗнче троллейбус управленийӗн хисеплӗ ҫынни Владимир Поликарпович Спиридонов пулӗ. Вӑл унта 48 ҫул ӗҫленӗ. Водитель те, кондуктор та ҫар тумӗпе пулӗҫ.

Троллейбус мӗнле ҫӳренине "Ӑслӑ транспорт" сарӑмра курма пулать. Ӑна "Ретро 001" тесе палӑртнӑ.

 

Страницӑсем: 1 ... 79, 80, 81, 82, 83, 84, 85, 86, 87, 88, [89], 90, 91, 92, 93, 94, 95, 96, 97, 98, 99, ...329
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (27.08.2025 03:00) сайра пӗлӗтлӗ ҫанталӑк, атмосфера пусӑмӗ 749 - 751 мм, 11 - 13 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 27

1915
110
Ефимов Мирон Ефимович, Совет Союзӗн Паттӑрӗ ҫуралнӑ.
1932
93
Казанов Аркадий Петрович, чӑваш ҫыравҫи, сӑвӑҫи ҫуралнӑ.
1940
85
Кӑтак ял ятне улӑштарнӑ — Первомайски пулса тӑнӑ.
1961
64
Абрамова Нина Михайловна, психиатр-тухтӑр ҫуралнӑ.
1963
62
Александров Павел Александрович, инженер, техника ӑслӑлӑхӗсен докторӗ, профессор вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
пӗтӗм кил-йышпа тухаҫҫӗ
хӑнана ӑсатма никам та тухмасть
хуҫа хӑй
хӑни ҫулне ахаль те пӗлет, ӑсатмасӑр та
кил-йышри арҫын
хуҫин ҫитӗннӗ ачисем
хуҫа тарҫи
ӑсатма тухни — ҫылӑх, юрамасть
хуть те кам тухсан та