Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Айван ҫыннӑн турти кӗске теҫҫӗ.
[ваттисен сӑмахӗ]
 

Софья Савнеш: Ирӗксӗрех ҫын куҫӗнчен пӑхма тивет

Софья Савнеш19.03.2017 22:174892 хут пӑхнӑ

Халӗ патшалӑх сусӑрсене пур енлӗн те пулӑшма тӑрӑшать. Чылай ҫӗрте халӗ вӗсем валли пандуссем лартнӑ. Кун пек кӳмепе ҫӳрекен сусӑрсене кӗме-тухма меллӗ.

Нумаях пулмасть ЧР Транспорт министерстви Шупашкарти аэропорта, вокзалсене, чукун ҫул вокзалне, автостанцисене тӗрӗсленӗ. Ведомство пӗтӗмлетнӗ тӑрӑх, тӗп хулари чылай вокзал куҫ курманнисем тата кӳмепе ҫӳрекен сусӑрсем валли юрӑхлӑ мар.

Аэропортра сусӑрсене пулӑшмашкӑн пӗр ҫынна ҫеҫ уйӑрнӑ. Унта сусӑрсем валли икӗ кӳме пур. Анчах аэровокзал сусӑрсем валли юрӑхли ахаль ҫеҫ палӑрнӑ. Чӑннипе вара аэропорт ҫуртне ку енӗпе лайӑхлатас тесен юсаса ҫӗнетмелле. Сӑмах май, унта нумаях пулмасть Шупашкара ӑмӑртӑва килнӗ сусӑр спортсменпа ӑнланманлӑх сиксе тухнӑ. Ӑна аэропорт ӗҫченӗсем багаж хумалли вырӑнтан тухма сӗннӗ, мӗншӗн тесен кӳмепе анма пулӑшакан ятарлӑ хатӗр пулман. Анчах спортсмен ку сӗнӗве йышӑнман, ыттисемпе пӗрлех аннӑ.

«Ҫӗнӗ вокзалта» та кунашкал лару-тӑру. Унта та йӑлтах юсаса ҫӗнетнӗ хыҫҫӑн ҫеҫ сусӑрсем валли юрӑхлӑ пулӗ. Чукун ҫул вокзалӗ тата Хулаҫум вокзалӗ хусканупа тӗрев енчен сусӑр тата япӑх илтекен ҫынсем валли ҫеҫ условисем пур. Анчах икӗ вокзалӗ те куҫ курманнисем валли услови туса паман. Хулари автостанцисем вара сусӑрсем валли пачах юрӑхсӑр.

ЧР Транспорт министерстви ку тӗрӗслеве Шупашкарти аэропортра паралимпиецпа ҫыхӑннӑ пӑтӑрмах хыҫҫӑн ирттернӗ. РФ Ӗҫлевпе социаллӑ хӳтлӗх тата Транспорт министерствисем пӗтӗм аэропорт сусӑрсене йышӑнма хатӗррипе хатӗр маррине тӗрӗслессине каланӑ. Кунсӑр пуҫне тӗнче шайӗнчи аэропортсен пурин те амбулифт туянма тивӗ. Шупашкарта кунашкал лифта кӗркунне туянма палӑртнӑ.

Сусӑрсем ытти ҫынпа танах. Вӗсем валли те условисем туса памалла. Шупашкарта ку енӗпе ӗҫлеҫҫӗ-ха. Куҫ курманнисем валли светофор симӗс ҫутнӑ чухне пиклетет. Кунашкал ҫынсем валли ятарлӑ тротуар та пур. Анчах кӳмепе ҫӳрекен ҫынсем валли пур ҫӗрте те пандуссем ҫук-ха. Ҫавна май вӗсем пур чухне те кирлӗ ҫӗре кӗреймеҫҫӗ. Ирӗксӗрех ҫын куҫӗнчен пӑхма тивет.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем