Аçтахар Плотников: Ишек халӑх краеведени музейӗнче пулса куртӑм

Аçтахар Плотников23.07.2007 14:074622 хут пӑхнӑ

Утӑ уйӑхӗн 10-мӗшӗнче эпӗ Ишекри музейе ҫитсе куртӑм. Смирнова Екатерина Павловна, музей директорӗ, мана хапӑл тусах йышӗнчӗ. Музей тӑрӑх экскурси те ирттерчӗ. Музей ҫурчӗ малтан Костин купсан пулнӑ, ӑна 200 ҫул. Ишек ялӗнче малтан пысӑк чиркӳ пулнӑ. Вара ҫав чиркӗве килекенсем валли ҫав купса ҫурт лартнӑ. Пӗрремӗш хутӗнче чайнӑй пулнӑ — унта хӑнасене чейпе хӑналанӑ. Иккӗмӗш хутӗнче вара хӑнасем канмалли-ҫырӑрмалли вырӑн пулнӑ. 1943-1948 ҫулсенче ку ҫуртра ачасен ҫурчӗ вырнаҫнӑ. Вӑл ҫурта вара Ленинградран ачасене блокадӑран илсе килнӗ. 1983 ҫулта ҫав ачасем кунта таврӑнса хурӑнсен алеййине лартса тухнӑ.
Музейре эпӗ вара алӑпа тунӑ ҫӑнӑх авӑрмалли армана, тимӗрҫӗ хатӗрленӗ тимӗр кӑмакана, тата ытти интереслӗ япаласене куртӑм. Ҫавӑн пекех Екатерина Павловна ҫак тӑрӑхран тухнӑ паллӑ ҫынсем ҫинчен те нумай каласа пачӗ. Вӗсен шутне К.П. Петров (ку ҫын Ҫӗпӗрти юханшывсене чӑвашла ятсем панӑ), Алфер Вениамин Дмитриевич кинорежиссёр, Илюхин Юрий Александрович музыковед, Митрофанова Зинаида Митрофановна журналистка, Милютин С.Р. экономика наукисен тухтӑрӗ, Лукин Филипп Миронович кӗвӗҫӗ, Аверкиев Иван Степанович биологи ӑслӑлӑхӗсен тухтӑрӗ, Михайлова Светлана Никифоровна актриса, Арбатова Анастасия Фёдоровнӑпа Дмитриева Христина Дмитриевна тава тивӗҫлӗ вӗрентекенсем, Мешков В.И. Раҫҫей халӑх ӳнерҫи те кӗреҫҫӗ. Екатерина Павловна Ишекри шкул, ҫывӑхри колхозсемпе совхозсем ҫинчен те каласа пачӗ.
Питӗ интереслӗ пулчӗ вара. Мана музей питӗ килӗшрӗ.

//Музейре тунӑ пур сӑнӳкерчӗксене кунта тупма май пур: http://gallery.chuvash.org/v/muzeys/ishek/

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (1)]

Комментари:

Аçтахар Плотников // 3249.70.8597 2007.07.23 23:13
	«Чăваш тĕнчи» фотогалерейăра сăнӳкерчĕксен ячĕсене çырса тухрăм. Ку калавра та каçмасем (ссылкăсем) лартса тухрăм.