Сергей Юшков


Сергей Павлович Юшков Чăваш Республикин Етĕрне районĕнчи Атăлкасси ялĕнче 1918 çулхи юпа уйăхĕн 12-мĕшĕнче хресчен кил-йышĕнче çуралнă. Палтайри вăтам шкулта, Чăваш патшалăх педагогика институтĕнче вĕреннĕ.

1941-1943 çулсенче Тăван çĕршывăн аслă вăрçине хутшăннă. Аманса таврăннă хыççăн аспирантурăра вĕреннĕ, диссертаци хӳтĕлесе филологи ăслăлăхĕсен кандидачĕн ятне илет, 1987 çулччен Шупашкарти аслă шкулсенче ĕçлет.

Сергей Юшков кĕнекисем 1970-мĕш çулсенче пичетленме тытăнаççĕ. Сăвăсемпе поэмăсен пуххисем хушшинче «Çулăмлă çулсем» тата «Пурнăç тӳпинчен» кĕнекесем палăрса тăраççĕ.

Çыравçăн вăрçăри паттăрлăхне Тăван çĕршывăн аслă вăрçин 2-мĕш степеньлĕ орденĕпе тата медальсемпе палăртнă.

1991 çултанпа РФ писателĕсен союзĕн членĕ пулнă. С.П.Юшков 2006 çулхи çу уйăхĕн 4-мĕшĕнче вилнĕ.


Хайлавĕсем