Çăлтăрсем
Пĕлĕт çинче çăлтăрсем
Ялтăртатса тăраççĕ.
Вĕсен çутă куçĕсем
Çĕр çинелле пăхаççĕ.
Çĕр çинче мĕн пулнине,
Ырă, усал тунине
Çут çăлтăрсем кураççĕ,
Çын хуйхине туяççĕ.
Çак çĕр çинчи этемсем —
Пĕрне-пĕри тăшман пек.
Усал, вăйлă вăрçăсем
Чарăнасси çук та пек:
Пĕлĕт урлăш-тăршшĕпе
Тупă сасси янратать,
Хула-ялсем çуннипе
Кăвак пĕлĕт хуралать.
Этем çилли тулашать,
Юнпа куççуль пĕр юхать,
Çынна çынах вĕлерет,
Çынна çынах пĕтерет.
Пĕлĕт çинчи çăлтăрсем
Йăлтăртатса тăраççĕ.
Вĕсен уçă сассисем
Хуллен юрă юрлаççĕ.
«Этем пурте пĕр тăван», —
Теççĕ çӳлти çăлтăрсем.
«Этем хăйне хăй тăшман», —
Теççĕ тупă сассисем.
Çитĕ вăхăт, этемсем
Пурте пулĕç пĕр тăван.
Вара тупă сассисем
Пĕтсе ларĕç çак кунтан.
Пĕлĕт çинчи çăлтăрсем
Çавна курса савăнĕç.
Çӳлти пĕлĕт юррисем
Çĕр çинче те илтĕнĕç.
1918-1923
Вулавçăсен шухăшĕ
Çĕнĕ комментари хуш
Вол (2012-01-31 21:21:57):
Пĕлĕт çилти çăлтăрсем
Çуркуннехи шапасем
Çавна курса савăнĕç
Кун пек сăвва савăнĕç
Галина Зотова (2012-01-31 21:34:34):
Вол мана литература чĕлхине ăнлансах кайман пек туйăнать, кашни сăвăран тăрăхласа çырать.
Вол (2012-01-31 21:50:49):
Сире.
Ун пек усаллине курманчĕ:
Пĕррехинче тăраттăм сăнаса-
Пит çепĕç сасăпа чĕнсе кăвакала
Эс çăкăрпа персе тăрантаранччĕ.
Ăна пуçне лекесшĕн тăрăшса.
Вол (2012-01-31 21:53:12):
Галина, Сире валли. Çурхи тĕлĕнтермĕшсем..
Хам кĕрĕке усатрăм вăрмана
Эс ирĕклĕ халĕ, вĕçтер!
Куратăп, ларчĕ утланса
Пакша манăн кĕрĕк çине.
Турăçăм, мĕн кăна тумасть пуль
Çак ашкăнчăк ман кĕрĕкпе:
Шăршлать те, таптать те,
Çавăрса тустарать те
Мĕн тăвăн, пуриншĕн килет çуркунне!
Ман кĕрĕк вара, пуççех тĕлĕнтерчĕ
Выртать, мур ами, шăпăртах
Уна та, пулас, пакша килĕштерчĕ
Хашкарĕ, шуйттан, пайтах.
Ак пĕтрĕ, куратăп , пакша лăпланчĕ
Пăрахрĕ, эсрел, хашкама
Ман кĕрĕк çинчен вăйсăррăн анчĕ те
Уттарчĕ вара хăй кил-вăрманне.