Ман юрлас килет
Ман юрлас килет,
Сассăм-çке тухмасть.
Макăрас килет,
Куççулĕм тухмасть.
Çак çула çитсе,
Телей эп курман.
Телее кĕтсе,
Иртрĕ пурнăç ман.
Асап та хĕн-хур
Маншăн ялан пур.
Çутă кун анчах
Курăнмасть пачах.
Пуçăм усăнать,
Туртăнать çĕре.
Чунăм пăлханать,
Тем шырать чĕре.
Тус-юлташ тени
Виçĕ пуса çеç.
Паян кун кашни
Пĕтессе кĕтеç.
Мĕншĕн пурăнас
Телей пулмасан.
Телей курăнмасть
Пурнăçра нихçан.
Çынна пуç тайса
Пурнаяссăм çук.
Авăра кайса
Сикеес пуль, теп.
Вара ман çинчен
Пĕлмĕ никам та.
Пĕр-ик çул иртсен
Юлмĕ юррăм та.
Авăр тĕпĕ ман
Мăшăрăм пулĕ.
Пăла шывĕ ман
Аннеçĕм пулĕ.
Шухăшсем
Квиз — это увлекательная игра-викторина...
Capture more leads for your chuvash...
Круглозвенные цепи — это не просто элем...
Лазерный уровень легко помещается в су...
Когда речь идет о ремонте, выбор правил...
В современном мире, где качество и безо...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...