Çĕмĕрт

Ирхине. Хĕвел тухасшăн...

Эп кĕретĕп пахчана.

Çамрăк çĕмĕрт шăппăн, ăшшăн

«Килсе кур», — тет пек мана.

Унăн тумĕ юр пек шурă,

Таврара сим пылтути.

Çĕмĕрт тăррине чуп турĕ

Йăлтăркка хĕвел çути.

Сисрĕ-шим таçтан шух çилĕ

Пахчана эп кĕнине? —

Те кулса вăл, те вăл çиллĕн

Сирчĕ çĕмĕрт çулçине —

Каччăпа хĕр тĕлĕреççĕ,

Ларнă вăрттăн сак çине...

Ай, мĕн-ма-ши, çĕмĕрт, эсĕ

Вăратмастăн вĕсене?

Çĕнĕ комментари хуш