Шухăшсем


Çунса пĕтнĕ кăвайта

Урăх эс чĕртеймĕн.

Иртсе кайнă вăхăта

Тавăрса килеймĕн.

 

Ĕлĕкхи туйăмсене

Çаплах вăратаймăн.

Пĕр сивĕтнĕ пикене

Текех юратаймăн.

 

Пуçăмри шухăшсене

Çынсене калаймăн.

Йăнăш тунă ĕçсене

Юсаса хураймăн.

 

Пăспа витĕннĕ çӳçне

Халĕ хуратаймăн.

Вараланнă чунсене

Çуса тасатаймăн.

 

Ыран кун мĕн пуласне

Паянах пĕлеймĕн.

Çыннăн шухăш-кăмăлне

Эс пĕлсе çитеймĕн.

 

Пурăнатпăр-ха тесе

Çынсене калатпăр.

Кун иртет, киле килсе

Киленсе ларатпăр.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: