Ясмин чечекĕ — шур чечек...
Ясмин чечекĕ1 — шур чечек,
Савни, парам сана савса.
Кавруç пиччейĕн пахчинчен
Пĕçертрĕм кĕçĕр эп каçса.
Каçарччĕ теп, Кавруç пиччей,
Хуçсаттăм эп савни валли.
Эс ху та-çке, Кавруç пиччей,
Калаççĕ: пулнă хĕр вăрри.
Çураçăп эпĕ сар хĕре,
Йĕртессĕм çук эп сирĕн пек.
Тĕллевĕм пулчĕ ман пĕрре:
Парне парасшăнччĕ чечек.
Ясмин чечекĕ — шур чечек...
Тухатлă юррăн илтĕнет;
Тарай тутри пекех чечен,
Савса памашкăн хĕтĕртет.
...Каçартăрах Кавруç пиччей,
Пуçтах эп пултăм пуль, эккей.
1953, Кипеккасси
Шухăшсем
Аркати Казанов хăй сăввине питĕ те ăст...
Лĕпĕшпи сăмахĕсем çумне хушса автора чун...
Лайăх сăвă çырнă санăн асатте, Саша!
Очень красивая сказка...
Мĕнех вара, чанах! Хирĕç нимĕн те "шарл...
Эпир те шкул вăхăтĕнче вереннĕччĕ çак сă...
Кĕске те лайăх...
Чăвашсен чи хăватлă сăвви...
Тăван чĕлхене мухтани пур енчен те лай...
Каçарăр, тархасшăн...