Чăваш куккукĕ авăтсан вуниккĕ...


Чăваш куккукĕ авăтсан вуниккĕ,

Ян-янраса каять çурхи вăрман.

Хăвна вара нихçан туймастăн шиклĕн,

Кунта кашни юман — çумри тăван.

 

Атте тесе ят панă ахальтен-им

Çĕр çул çĕкленнĕ çирĕп юмана.

Юман вăл — паттăр. Юман паттăр тенĕ

Кĕрешӳри хастар, маттур çынна.

 

Кĕрнеклĕ те кĕреш чăваш юманĕ

Виççĕр çултан кая лара пĕлмест.

Асаттесен аслашшĕсен тăванĕ

Паян та чăрсăр тымарне çĕртмест.

 

Вуниккĕ авăтсан чăваш куккукĕ,

Калас килет: «Эс авăт виççĕр хут.

Ун чухлĕ пурăнма пире шут çук-и,

Куккукăм, авăт! Кирлĕ мар, тен, шут?»

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: