Чул чĕреллĕ эсĕ...


Чул чĕреллĕ эсĕ. Санăн юн тымарĕсенче юн мар, шыв юхать. Ниепле те вăхăт тупса мана шанкăравламастăн. Çур сăмах та пулсан каламастăн. Чунăма лăплантармастăн. Эпĕ вара асапланатăп та асапланатăп. Çавăн чухлĕ асапланма пулать-шим? Пуçăмри шухăшăмсемпе чĕрене çивĕч çĕçĕ евĕр пайăн-пайăн ваклатăп. Кам валли ваклатăп? Мĕн тума ваклатăп?

Миçе ĕмĕр пурăнма пултарать-ши асап чĕрере? Чĕре тĕпĕнче ерипен çывăрса кайса çĕнĕрен те çĕнĕрен вăранмалли вăрттăнлăха пĕлет-ши вăл? Кам вут пăрахса тăрать-ши асаплану кăвайтне? Чĕре-ши е чун-ши? Тен, пурнăçланайман ĕмĕтĕм?

Мĕн тума кĕтетĕп-ши эпĕ санран пĕрех хут шăнкăрав? Пĕлетĕп-çке нихăçан та шăнкăравлас çуккине. Пĕлетĕп-çке! Мĕн пĕлмелли мар унта. Ытла та ансат вăл, çав тупсăм. Ĕмĕрсен тупсăмĕ... Çăлтăрсен тупсăмĕ... Ытла та ансат... Эсĕ мана юратмастăн! Çав анчах!..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: