Ĕмĕтсем шутлаççĕ кунсене...

Владимир Андреев | Сăвă | 372


Ĕмĕтсем шутлаççĕ кунсене,

Çулĕсем чупаççĕ çиçĕмле:

Çамрăк ĕмĕр иртрĕ хĕмленсе,

Чун тĕрекĕ кĕчĕ чĕрӳне.

 

Алăкран таккать,

Кантăкран шаккать,

Хапха умне çитнĕ аллă çул.

Ан кулян, тăван,

Ан хурлан, тăван,

Тур çырнинчен çурринче сан çул.

 

Ĕмĕтӳ шутлатăр кунсене,

Çулусем те чупчăр çиçĕмле:

Ĕмĕтсем нумай-ха — ĕмĕре,

Çĕр çула çитмешкĕн çиçĕмле.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: