Çакрăн сăпка ӳтленме чун хастарлăхĕ...

Çакрăн сăпка ӳтленме чун хастарлăхĕ,

Санăн пехил — сар хĕвел çул çине.

Пĕр саншăн çеç, чун саван чăваш халăхĕ,

Пĕр саншăн çеç пурăнап çĕр çинче.

Патăн мана сывлама ĕç каçалăкĕ,

Патăн сăмах калаçма чĕререн.

Пĕр саншăн çеç, чун саван чăваш халăхĕ,

Пĕр саншăн çеç тар тăкап çĕр çинче.

Пурнăç иртет — хупăнать малаш алăкĕ,

Пурнăç пĕрре, анчах эс те пĕрре.

Пĕр саншăн çеç, чун саван чăваш халăхĕ,

Пĕр саншăн çеç пурнăп леш тĕнчере.

2010, пуш, 24

Çĕнĕ комментари хуш