Кайăксем

Лариса Яковлева | Сăвă | 372


Ах, епле хитре юрлаççĕ

Кайăксем турат çинче

Чунăма та тыткăнлаççĕ,

Эх, илемлĕ эс, тĕнче!

 

Кайăксем епле хавассăн

Шăратаççĕ юрăсем.

Эх, этем çапла пулсассăн

Юрлĕç савăкрах вĕсем.

 

Чĕвĕл-чĕвĕл сасă кайрĕ

Çурхи савăк таврана.

Шурă хурăн хăяймарĕ

Çил вĕрсессĕн хумханма.

 

Ак Çурхи тĕнче вăранчĕ

Кайăксен сассипеле.

Манăн чунăм çунатланчĕ,

Чĕрем туйрĕ илемне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем