Малта ялан


Шăллăм таврăнать шкултан

Хаваспа çиçсе ялан:

Пăх-ха унăн дневникне —

Курăн «пиллĕк» йĕркине.

 

Урокне хатĕрленет,

Пулăшать ват аннене.

Уçăлса тулта çӳрет,

Сывлăхне çирĕплетет.

 

Толя, Петĕр, Кемачи —

Мĕнпур хамăр кас ачи —

Ун юратнă тусĕсем,

Ав тăраççĕ-çке кĕтсе.

 

Ак пуçлаççĕ ăмăртма,

Тупăшса пĕрле чупма.

Манăн шăллăм чи малта,

Ыттисем йăлт хыçалта.

 

Пит маттур çав шăллăм ман,

Вăл малта пырать ялан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: