Çăлтăрсем çунаççĕ тӳпере
Лармари хĕрсем пекех, сăпайлăн
Çăлтăрсем çунаççĕ тӳпере.
Çавăн пек çăтмах ăçта тупайăн?
Сывлăшран сим пыл шăрши кĕрет.
Ачашлать куçа тин тухнă уйăх,
Сапнă майăн сиплĕ мерченне.
Пач çухалчĕ пуçăмри пур хуйăх,
Тимлесе пăхуçăн тӳпене.
Кун пек чух камах тӳссе тăрайĕ?
Кам каçах пултарĕ çывăрма?
Эп епле савмасăр пултарайăп
Хаклăран та хаклă тусăма?
Çăлтăрсен вылявĕнчи хаваслăх
Таврана илем кӳрсе тăрать.
Илĕртет çур шуçăмлă пуласлăх
Ĕçĕпе мухтавлă паттăра.
Çӳл тӳпе йăлтах шăрçалансассăн
Куçăмсем яланах ун çинче.
Савăк шăпчăк юрă юрласассăн
Ан шутла та уйрăлу çинчен.
Çăлтăрсем пĕрле карталансассăн
Каç ларни ума тухса тăрать.
Сар хĕрсем каçпа вăййа тухсассăн
Çепĕç юрă уççăн янăрать.
Тӳпере ялан вылятăр çăлтăр.
Ун çути ӳксессĕн пит çине
Ăшă хĕм сапса вăл йăлтăр-йăлтăр
Вырнаçайтăр тусан чĕрине.
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...