Тилхепе алра чух карт! туртам...


Тилхепе алра чух карт! туртам,

тĕлĕнсе пăхса юлтăр урам.

 

Хыçăмран хăвалать çил-тăман,

хăтăласшăн тарса чунăм ман.

Кам савни ултавпе тӳснĕ шар,

лар сиксе, вĕçтерер юнашар.

Те кулар-и пĕрре, те йĕрер,

юратма та пĕлмен тетерер?

 

Яш-çамрăкăн чăрсăр чĕри

ытлашши алхасу теччĕр-и?

 

Эй, янра, шăнкăрав! Хытăрах!

Урхамах ĕрĕхсе пытăрах.

 

Хыçăмран хăвалать çил-тăман,

хăтăласшăн унран чунăм ман...

 

1977, октябрĕн 31-мĕшĕ, Шупашкар

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: