Çитет выртса...1

Çитет выртса...

Çитет выртса…

Хăрах уран…

Хам чăлахне ан куртăр куçăм…

Çĕр хут пуль сикрĕм те аран

çитсе чӳречене яр уçрăм.

Шăлса çамка çинчи тара

пăхатăп.

Чăн-ши ку, ара? –

ик суккăрпа чăлах иртеççĕ,

телейлĕн йăл кулса илеççĕ.

Парăнмасан этем хăватлă,

чăлах теме ан хăй эс, кур:

ура виç çыншăн пур тăваттă,

вĕсен пĕр мăшăр куç та пур.

Хул айĕнчи туясене

шăп çурмаран хуçса перетĕп!

Çавах ташлатăп. Халь пĕлетĕп:

парăнмасан – теме çĕнен.