Халал вырăнне1

Халал вырăнне

Сумлă çын ӳсет ĕçре,

Пархатарлă çемьере.

Пурнăç ĕçчене кĕтет,

Ырлăх, ăнăçлăх сĕнет,

Телее те вăл пиллет.

Пул эс çирĕп те сăтур,

Яланах ĕçре — маттур.

Пултăр сывлăх çитĕнме,

Вĕренме те ĕçлеме,

Çынсене телей кӳме.

Тимлĕ те хастар эс пул,

Пултăр ырлăхлă кун-çул,

Тупăн ху та телейне,

Тивĕç пулăн çын чысне,

Ĕç тытсан — çитер вĕçне.

Пĕл: мăн кукаçи ятне

Сана хунă. Малашне

Сан сыхлас пулать чапне

Кукаçу-кукамунне,

Аçупа-аннӳн пилне.