Дирижёр


Ушкăнра пур пĕчĕк кайăк,

Ирхине ирех пит лайăх

Юрă шăратать,

Çунатне саркаласа,

Çав тери хатăрланса

Ян-ян янтратать.

Шеп юрра пурте — мĕн хапăл,

Ал çупаççĕ шăпăл-шапăл,

Савнăç çĕклесе.

Тапранмасăр вырăнтан

Хăшпĕри каять ăнтан

Юрă итлесе.

Ваттисем те хĕпĕртеççĕ,

Сăмахне те тĕрĕслеççĕ

Юрă юхнăçем.

Шикленеççĕ-мĕн чунтан

Йăнăш, чурăс пуласран

Кĕвĕ çаврисем.

Юрă ăсти савăнать çке,

Майĕпен мала тухать-çке,

Дирижер пулать.

Вĕрентет пур кайăка

Юрламашкăн лайăхрах —

Вăрман ян! янтрать.

 

* * *

Пирĕн пур Лутра Никантăр,

Пур ĕçе те тума хатĕр —

Питĕ пултарать.

«Пуçлăх пĕчĕк те хастарлă.

Ĕç пĕчĕккинче те мар-тăр?» —

Пур ял-йыш ырлать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: