« Çутă ирĕклĕхне, саланми тытăмне...»

Геннадий Айхи | Сăвă | 1974 | 643


Светланăна асăнса

 

Çутă ирĕклĕхне, саланми тытăмне

ялтратса эс ун аитĕр курнан паянччен, —

«Çутăпи» ятлăскер, санăн пур шевлӳне

манăçун сив тăпри илеймерĕ пиртен, —

 

çутине упраса юлчĕ сан шăплăху;

тем пĕлтерĕшлĕ пек, вăл çумрах туйăнать, —

е ассем ыратни унта, е — эсĕ ху? —

сăн çути-и ялтрать, шур çуху-и шартать?

 

Эсĕ халь те — çав çутă шартни, чӳхенни, —

чĕрӳнте ăшăнса вăл витетчĕ сăнна,

ун чĕтренĕвĕ пекчĕ — эс шăппăн кулни,

кĕвĕлле ăшăтатчĕ вăл сан сассуна...

 

Çынсене пилленсе, еплерех Юрату

ыратса-ши санра яшлăхри халĕпе? —

Хальчченех хĕвĕшет-вĕркĕшет сан çуту

пирĕн хĕв-шухăш пек, хӳсенчи сывлăш пек...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем