«Хăмач çĕн тутăр çыхнă шуçăм...»

Алексей Воробьев | Сăвă | 1967 | 437


Хăмач çĕн тутăр çыхнă шуçăм

Шур сывлăмран сукмак хывса,

Шыва анать. Эс каччă пуçăн

Утатăн хирĕç хыпăнса.

Ӳкĕтлесе хул яваклас-и?

Сăмах пулаймĕ витерсе.

Сасса уçмалăх ятлаçаççĕ

Ирех вăраннă витресем...

Савни ури пулать-çке чăпăл,

Хĕрелнĕрен пушшех хитре.

Пике хуйхи пекех çăп-çăмăл

Шыв çийĕн пăсланать тĕтре.

Çула икке пайларĕ айлăм.

Умра утать пĕр ушкăн хур.

 

...Каллех сăмах тупса калаймăн.

Кун тин пуçланчĕ.

Вăхăт пур.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем