Ик шофер тавлашрĕç...

Ик шофер тавлашрĕç. Ан та чар.

Уйăраймăн.

Ах, ытла вĕри те!

Парăнасшăн мар тавра пĕри те,

калăн, пуç касуçă янычар.

Çакăн хыççăн ман автобуса

чылаччен чăмларĕ ийĕ мурĕ:

турткалашрĕ, тапрĕ, кăрт-карт турĕ.

ăшăмра тем килчĕ капланса.

Османсен империне асилтĕм,

Дунайçи пăлхарĕн пурнăçне…

Хăр тавраш ан сулăр çын çине,

пĕр-пĕрне хаяр нихçан ан тивтĕр.

14.09.2007. Анкара. Кăнтăрла.

Çĕнĕ комментари хуш