Чĕкеç


Чĕкеç килет сассипе,

Çавăрса юрлать юррине:

Çынсем тухаççĕ курмашкăн,

Илтелеççĕ кайăксем чĕкеç юррине.

Курма тухнă ырă çынсем,

Курса тăранас çук вĕсем,

Илтелекен кайăксем

Ĕненмеççĕ сассинчен:

Чĕкеç сасси мар теççĕ,

Патне пырса пăхас теççĕ.

Патне пырса пăхсассăн,

Кайăксем курчĕç чĕкеçе —

Хура пурçăн тумтирпе

Ларать чĕкеç юрласа,

Тĕлĕнтерет сассипе.

Кайăксем тăраççĕ тăнласа,

Хытса кайнă сăнĕсемпе;

Лараççĕ пырса юнашар

Чĕкеçпе пĕрле юрлама,

Тухаймаççĕ сассисем

Чĕкеçпе пĕрле юрлама.

Вĕт кайăксем хушшине

Çерçи пулнă сутникĕ.

Пырса ларнă чĕкеç патне

Чĕкеçе хуса ярас тесе;

Чĕкеç ячĕ юрласа,

Çерçи кайрĕ тĕлĕнсе.

Пуçларĕ чĕкеçе йăлăнма:

Вĕрент юрруна тесе.

Ларчĕ чĕкеç юрласа,

Хăй юррине юхтарса.

Çерçи: чим-чим-чим!

Тесе тăрса юлчĕ.

 

1880-1890

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: