Асамат кĕперĕ сӳниччен

Василий Шихранов | Сăвă | асамат кĕперĕ | 436


Ашă çумăр кăшт çуса иртсен

Асамат çӳл тӳпене тĕрлет.

Асамат кĕперĕ айĕнчен

Савнипе тухассăм ман килет!

 

Сарă кун тĕнчи пире кĕтет

Асамат кĕперен леш енче.

Çав çĕршыв пурах, чĕре сисет:

Çăтмахри пек ытарми тĕнче!

 

Сарă кун çĕршывĕн алăкне

Савнипе уçасчĕ яриех!

Чунтанах савса-çке пĕр-пĕрне

Çавăнта пурнасчĕ ĕмĕрех!

 

Асамат кĕперĕ, тăхтасам

Çухалмашкăн янкăр тӳперен!

Савнă тусăм, ман пата тухсам

Асамат кĕперĕ сӳниччен!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: