ptzgovorit.ru сайтри сӑн

Ака уйӑхӗн 11-мӗшӗнче Ҫӗнӗ Шупашкарта пулнӑ пушарта хӗрачан пурнӑҫӗ татӑлнӑ. Инкек Терешкова урамӗнчи 3-мӗш ҫуртра пулнӑ.

Ҫӑлавҫӑсем вырӑна ҫитсен чи малтанах ҫунакан ҫуртран кастрюль кӑларса пенӗ. Пушар шӑпах ҫавӑнтан тухнӑ ахӑртнех. Кайран хӗрачана урама йӑтса тухнӑ. Ӑна реанимаци машини илсе кайнӑ. Унтан хӗрарӑма ҫӑлнӑ, ӑна та пульницӑна ӑсатнӑ. Шел те, хӗрача чӗрӗ юлайман, унӑн чӗри тапма пӑрахнӑ.

Ҫынсем каланӑ тӑрӑх, хваттерте икӗ хӗрарӑмпа ача пурӑннӑ. Ҫӑлавҫӑсем пушара хӑвӑртах сӳнтернӗ.

#пӑтӑрмахсем, #Ҫӗнӗ Шупашкар, #ачасем, #пушарсем, #ҫӑлавҫӑсем