Инкеклӗ лару-тӑру министерстви тунӑ сӑн

Ҫӗнӗ Шупашкарта хваттер ҫуннӑ. Унта ҫутӑ та, газ та пулман. Инкеклӗ лару-тӑру министерстви пӗлтернӗ тӑрӑх, пушара сӳнтерсен 54 ҫулти хваттер хуҫине тата унпа пӗрле пурӑннӑ 55-ри хӗрарӑма тупнӑ.

Пушар паян ҫӗрле пулнӑ. Строительсен урамӗнчи 30-мӗш ҫуртри виҫӗ пӳлӗмлӗ хваттер ҫуннӑ. Ҫулӑм шалтине йӑлтах тӗп тунӑ. Подъездри 23 ҫынна урама кӑларнӑ. Ҫуннӑ хваттерте икӗ ҫын виллине тупнӑ.

Ҫакӑ паллӑ: хваттерте ҫутӑ тата газ пулман, вӗсене пӗлтӗр татнӑ.

#пӑтӑрмахсем, #Ҫӗнӗ Шупашкар, #пушарсем