Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ҫынна йывӑр ан кала, ху та ҫавна курӑн.
[ваттисен сӑмахӗ]
 

Персона: Айхи йӑмӑкӗ пирӗнтен уйрӑлса кайрӗ…

Паллашу Чӑваш чӗлхине якатас тӗллевпе Чӗмпӗрте пурӑнакан, ман ҫулсӗне ҫывӑх ҫынсемпе пал...
Туянатӑп Ашмаринӑн 17 том куҫару кӗнекисене шыратӑп.
Сутатӑп Ӑшӑ матрас сутатӑп. Германире кӑларнӑ. Гаранти 5 ҫул. Хакӗ 2500 тенкӗ.
Геннадий Ахмане 30.06.2021 12:01 | 1706 хут пӑхнӑ
Персона
Геннадий Айхи икӗ йӑмӑкӗпе: Луизӑпа (сулахайра) тата Евӑпа
Геннадий Айхи икӗ йӑмӑкӗпе: Луизӑпа (сулахайра) тата Евӑпа

Геннадий Айхи йӑмӑкӗ тесен чылайӑшӗ Ева Лисинӑна аса илет. Вӑл чӑвашла Библие кун ҫути параканӗ тата питӗ пултаруллӑ ҫыравҫӑ пулнипе паллӑ (ахальтен-и ун кӗнекисем Анӑҫра та Тухӑҫра – Швецире, Японире тухаҫҫӗ). Вӗсен варринче амӑш варӗнче ӳтленсе ҫут тӗнчене килнӗ Луиза Николаевнӑна пӗлнӗ-и эсир? Пирӗшти пек таса чунлӑ та кукамай пек ыр кӑмӑллӑ ҫынччӗ вӑл! Тен, эсир ӑна палламан та пулӗ, анчах Ева Лисинӑн «Ҫӑкӑр чӗлли» калавне вуланӑ тата унти Лисука астӑватӑр пулсан сирӗншӗн те ют мар вӑл…

Луиза Николаевна кӗтрет евӗр ҫутӑ е салху сӑрлӑ ӳкерчӗксем ӑсталатчӗ: вӗсен асамне ӑнкарас тесе темӗнччен-темӗнччен пӑхса тӑраттӑн. Ҫав хайлавсене харшаласа пӗрре пысӑк курав та ирттернӗччӗ. Сире унта ҫитме тӳр килмен пулсан хӑш-пӗр ӳкерчӗкӗпе «Плач по брату: две сесры, две слезинки» (чӑв. Пиччешӗн хӳхлени: икӗ йӑмӑкӗ, икӗ куҫ тумламӗ) кӗнекере курнӑҫма пултаратӑр.

Ӗнер ирхине Шупашкарта Луиза Николаевна пурнӑҫӗ татӑлнӑ. Утӑ уйӑхӗн пӗрремӗш кунӗнче хаклӑ ҫыннӑмӑр Патӑрьел районӗнчи Ҫӗньял масарӗнче, пиччӗшӗпе амӑшӗ ҫумӗнче ӗмӗрлӗх канлӗх тупӗ. Халӑх калашле, Ҫӳлти патшалӑхра чунне ҫӑмӑллӑх пултӑр…

Сывпуллашас текенсене Республикӑн 1-мӗш пульницин асӑну залне июль уйӑхӗн 1-мӗшӗнче ирхине 8 сехет ҫурӑна пыма сӗнеҫҫӗ. Адресӗ: Мускав проспекчӗ, 9 ж.

#Ҫӗньял, #Патӑрьел районӗ, #ҫухатусем

 

Ҫавӑн пекех пӑхӑр

Лаша спорчӗн ӑмӑртӑвӗ иртнӗ
2020, 09, 27
Аслӑ Елчӗкре — «Тӑван радио» передатчикӗ
2020, 10, 30
Лев Патнелеймонович Кураков пурнӑҫран уйрӑлнӑ
2020, 12, 21
Кураковпа ыран сывпуллашӗҫ
2020, 12, 22
Каварлӑ чире пула пиртен ытла та ир уйрӑлса кайнӑ Лев Пантелеймонович Куракова — чечек кӑшӑлӗпе пӗрле
2020, 12, 23

Комментари:

Валери ТУРКАЙ // 3939.4.7384
2021-06-30 13:27
Шел, питӗ шел!
Тӑпри ҫӑмӑл пултӑр Луиза Николаевнан!
Ҫапах та, Ахмане-тӑванӑм, Ева Лисина "чӑвашла Библие кун ҫути параканӗ" мар, чӑвашла Библие кун ҫути паракансенчен
ПӖРИ. ПӖЧЧЕН куҫарман вӑл Библие чӑвашла!
Суйма юрамасть, Геннадий Ахмане!
Валери Туркай
Agabazar // 2226.80.1242
2021-07-02 18:47
Agabazar
100 çул та ытла каяллахи куçарăва та, калăпăр, Иван Яккăлччă хăй пĕччен майлаштарман.
Agabazar // 2226.80.1242
2021-07-02 18:58
Agabazar
Тĕрĕслехшĕн, çапах та, çакна каламалла. Библие хальхи саманара куçарасси енĕпе Ева Лисина пуринчен те ытларах вăй хунă пулмалла.

Палестинăна та кайса килчĕ, вара лере Библин чи авалхи манускрипчĕсене тупнă Кумран çĕр хăвăлĕсене те тăват уран упаленсе кĕчĕ.

«Хыпар» хаçатра Библие еплерех куçарасси тĕлĕшпе сÿтсеяву та йĕркелесе илчĕ.

Тата ытти те.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org