Инкеклӗ лару-тӑру министерстви тунӑ сӑн

Ҫӗртме уйӑхӗн 12-мӗшӗнче ҫӗрле Атӑлта, Шупашкар районӗнчи Шашкар ҫывӑхӗнче, катер баржӑпа ҫапӑнни пирки пӗлтернӗччӗ. Унта ӗҫ-пуҫ мӗнле пулса иртни уҫӑмланнӑ.

«Вести. Дежурная часть» пӗлтернӗ тӑрӑх, катер ҫинчи 4 ҫын ӳсӗр пулнӑ. Телеканал журналисчӗ пристань хуралҫипе тӗл пулса калаҫнӑ. Вӑл акӑ мӗн пӗлтернӗ: 38 ҫулти арҫын, катер хуҫи, малтан арӑмӗпе тата ачисемпе ярӑннӑ. Унтан пӗртӑванӗсемпе ҫула тухнӑ. 23 сехет те 50 минутра катер, пысӑк хӑвӑртлӑхпа пынӑскер, баржӑпа ҫапӑннӑ.

Катер ҫинчи тӑватӑ ҫын ҫавӑнтах вилнӗ.

#Атӑл, #Шупашкар районӗ, #пӑтӑрмахсем, #Шашкар