ixbt.com сайтри сӑн

Ҫӗмӗрлере медицина тытӑмӗнче ӗҫлекен арҫын ултавҫӑсен аллине ҫакланнӑ. Ку кӑна мар-ха. Вӗсене укҫа куҫарса парсан лешсем унран кулса смс-ҫыру янӑ.

Арҫын ултавҫӑсене самаях пысӑк укҫа куҫарса панӑ: 3 миллион тенкӗ. Укҫи хӑйӗн те пулман, ӑна кредит илнӗ.

ШӖМ пӗлтернӗ тӑрӑх, 26 ҫулти ҫак арҫын полицие ӗнер пынӑ. Вӑл палламан ҫынпа телефонпа юпан 27-мӗшӗнченпе калаҫнӑ. Хайхискер Ҫӗмӗрле арҫыннине ун ячӗпе такам кредит илнине ӗнентернӗ. Ӑна пӑрахӑҫлас тесе хайхискере кредит илме ӳкӗте кӗртнӗ.

Юлашкинчен ун патне кулса-тӑрӑхласа ҫырнӑ смс-ҫыру килнӗ. Кун хыҫҫӑн тин вӑл ултавҫӑсен серепине лекнине ӑнланнӑ.

#полици, #ултавҫӑсем, #Ҫӗмӗрле районӗ, #укҫа-тенкӗ