chuvashia.sledcom.ru сӑнӳкерчӗкӗ

Шупашкар районӗнче Питтукасси ялӗнчи кафе патӗнче кӑҫалхи ҫурла уйӑхӗн 18-мӗшӗнче икӗ арҫын хирӗҫсе кайнӑ.

Шупашкарта пурӑнакан 44 ҫулти арҫын хӑйӗн пӗлӗшӗпе тем пайлайман. Ӳсӗрскер ӑна вӗлерес тенӗ. Вӑл килне кайса ҫӗҫӗ йӑтса килнӗ. Унпа вӑл 39 ҫулти пӗлӗшне тӗрлӗ ҫӗртен 8 хутран кая мар чиксе пӗтернӗ. Шар курни инкек вырӑнӗнчех вилсе кайнӑ.

Ҫынна вӗлернӗ арҫын тӗлӗшпе РФ Пуҫиле кодексӗн 105-мӗш статйин 1-мӗш пайӗпе ӗҫ пуҫарнӑ. Пуҫиле ӗҫе Шупашкар районӗнчи суда ярса панӑ.

#Питтукасси, #пуҫиле ӗҫсем, #пӑтӑрмахсем, #Шупашкар районӗ