Раҫҫейре: Валери Туркай Кайсын Кулиева халалланӑ поэзипе туслӑх уявне хутшӑннӑ

Пӗлтерӳ хушПӗлтерӳсем

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...

Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Аçтахар Плотников 19.12.2022 17:35 | 672 хут пӑхнӑ

Раҫҫейре

Кайсын Кулиев

Иртнӗ эрне вӗҫӗнче Кабарда-Балкар Республикинче балкар халӑхӗн тӗнчипе паллӑ поэчӗ, СССР Патшалӑх премийӗн лауреачӗ Кайсын Шуваевич Кулиев ҫуралнӑранпа 105 ҫул ҫитнине анлӑн паллӑ тунӑ. Поэзипе туслӑх уявне Мускавран, Алтайран, Чӑваш Енрен, Тутарстанран, Пушкӑртстанран, Казахстанран, Кӑркӑстанран, Ставрополь облаҫӗнчен ятарласа килнӗ паллӑ сӑвӑҫсем хутшӑннӑ. Вӗсен йышӗнче — чӑваш халӑх поэчӗ, Халӑхсем хушшинчи Ҫеҫпӗл Мишши ячӗллӗ преми лауреачӗ Валери Туркай та пулнӑ.

Кайсын Кулиевӑн шӑпи-кунҫулӗ Чӑваш Енӗн тӗп хулипе Шупашкарпа тӳрремӗнех ҫыхӑннӑ: Тӑван ҫӗршывӑн Аслӑ вӑрҫинче вӑл Орел патӗнче пынӑ хаяр ҫапӑҫусенчен пӗринче питӗ йывӑр аманнӑ хыҫҫӑн вӑл Шупашкарти эвакогоспитальсенчен пӗринче сипленнӗ, сывлӑхне ҫирӗплетнӗ, кунтах пултаруллӑ поэт сӑвӑ хыҫҫӑн сӑвӑ ҫырнӑ. Ку ҫурта юлашки ҫулсенче паттӑр салтак-сӑвӑҫа халалланӑ асӑну хӑми илем кӳрет.

2012 ҫулта Шупашкарта Кайсын Кулиев сӑввисен Валери Туркай чӑвашла куҫарнӑ сӑввисен «Тӗнчене курсамӑр ыр куҫсемпе» ятлӑ пуххи кун ҫути курнӑ.

#культура, #Кабарда-балкар Республики, #Раҫҫейре, #юбилейсем

Хыпар ҫӑлкуҫӗ: https://mk.kbr.ru/news/yubiley...rdino-balkarskoy-ass.html

Ҫавӑн пекех пӑхӑр

Виталий Сергеев артист санаторире канӗ
2022, 11, 18

Хусанта чӑваш артистки ҫинчен кино ӳкереҫҫӗ
2022, 11, 20

Балетмейстер юбилейне халалланӑ каҫ иртӗ
2022, 11, 23

«Сарпике» ташӑ ансамблӗ 50 ҫулхине уявланӑ
2022, 12, 01

«Эткер» ушкӑн юбилей каҫне пухӑннӑ
2022, 12, 12

Комментари:

Каллималлин // 3806.8.9922 2022.12.19 19:13
	Туркай балкарла та пĕлет иккен, тутарла, пушкăртла анчах мар, тата 15-20 чĕлхе пĕлет,тухнă кĕнекисене пăхсан. (Сăмах май, вĕсенчен чи юратни уншăн - ăшаланă ĕне чĕлхи). Кăна хирĕç вăл çапла калама пултарать: "Куçарас тесен чĕлхе пĕлме кирлĕ мар, вырăслине пахса кăштах картине кĕртсен те çитĕ. Мана чаплă критик Ю. Артемьев та çакăншăн пĕрре мухтарĕ". Ай, пай-пай! Патшалăх премине панă чух "Нарспине" акăлчанла куçарнă çынна вăл хытă силлесе шаккарĕ-çке: халь тĕнчере подстрочникпе ĕçлемеççĕ иккен. Ирĕксĕрех халăх каланине аса илетĕн: тĕнчене - тĕрлĕрен кĕнчеле. Критикăн вара тата та ытларах.
Валери ТУРКАЙ // 3221.65.1489 2022.12.20 09:17
	"Калллималлина": Асту, кӗвӗҫнипе хӑмпӑ пек ҫурӑлса ан кай! Халӑхшӑн мар, кушакушӑн пысӑк ҫухату пулать. Чӑваш халӑх поэчӗ Валери ТУРКАЙ. 89278555480
Иванова Людмила // 7974.7.8083 2022.12.21 14:58
	Валери Туркай саввисене юратса вулатап . Ун пек хаюлла поэт урах сук . Сывлах пултар тата та лайахрах сырма !
Каллималлин // 2318.31.3159 2022.12.21 16:38
	Çак çын (Туркай) шÿте пачах ăнланмасть пулмалла. Ахальтен мар вăл "Капкăн" журнала хупратчĕ.
Валери ТУРКАЙ // 3221.65.1489 2022.12.23 02:17
	"КАЛЛИМАЛЛЛИН"; "Ҫак çын (Туркай) шÿте пачах ăнланмасть пулмалла. Ахальтен мар вăл "Капкăн" журнала хупратчĕ". "Капкӑнсӑр" пуҫне тата МӖН "хупратнӑ"-ха, хисеплӗ "шӳте ӑнланаканскерӗмӗр", Туркай?.. "Капкӑна" ЧР пичет министерстви ҫеҫ хупма пултарнине эс питех те лайӑх пӗлен, хаклӑ ҫыннӑм... Туркай МӖН уҫтарнине илес пулсан-и?.. Вӑл ҫине тӑнине пула Шупашкарта Ҫеҫпӗл Мишшин музейӗ, Кайсын Кулиевӑн асӑну хӑми т.ыт. те уҫӑлнӑ. Туркай ҫине тӑнине пула Канаш районӗнчи Ҫеҫпӗлте 1999 ҫулта Асӑну комплексӗ, Комсомольски районӗнчи Вӑрманхӗрри Чурачӑкра Куҫма Турханӑн асӑну хӑми уҫӑлнӑ... Ҫитет-и?.. Эп тата нумай ырӑ ӗҫӗме аса илме пултаратӑп. ...ЭС вара МӖН уҫса курнӑ халиччен?.. Валери ТУРКАЙ. 89278555480
Каллималлин // 7429.3.6795 2022.12.23 16:42
	Туркай юлташ! Йăнăшрăм эп, каçар. "Капкăна" чăнах та эс хуптарман, ăна пичет тата сас-хура министрĕ пулнă АС Иванов (хальхи кĕнеке издательствин гендиректорĕ) хуптарнă. Эп ыйткаласа пĕлтĕм. Вăрттăн хупаççĕ, хаçатсем те çăварне шыв сыпнă, ăçтан эпир пурне те пĕлсе пĕтерĕпĕр?