21.мвд.рф сӑнӳкерчӗкӗ

Шупашкарта пурӑнакан 37 ҫулти хӗрарӑм пӗлтӗрхи чӳк уйӑхӗнче кӗрӗк туянас тенӗ. Халӑх тетелӗнче вӑл йӳнӗ хакпа кӗрӗк сутакан ушкӑна асӑрханӑ. Хӑйне килӗшекен атвар тупсан хӗрарӑм тавар сутаканпа ҫыхӑннӑ. Вӑл ӑна кӗрӗк хакне, 11 пин те 200 тенке, куҫарса панӑ. Анчах кӗрӗк килмен.

Пӑтӑрмах пирки хӗрарӑм йӗрке хуралҫисене пӗлтернӗ. Лешсем улталанӑ тӗслӗхпе пуҫиле ӗҫ пуҫарнӑ. Улталаканни Мускав облаҫӗнче пурӑнакан 33-ри хӗрарӑм пулнӑ.

#пӑтармахсем, #ултавҫӑсем, #Шупашкар, #Мускав облаҫӗ