Паян 16 сехетре Ҫӗнӗ Шупашкарта 10 ҫулти арҫын ача троллейбус айне пулса вилнӗ. Ку инкек Строительсен урамӗнче 21-мӗш ҫурт ҫывӑхӗнче пулнӑ.

Малтанлӑха палӑртнӑ тӑрӑх, ача светофор хӗрлӗ ҫутӑ ҫутнӑ чухне ҫул урлӑ каҫма тӑнӑ. Видеорегистратортан ҫакӑ та паллӑ: вӑл телефонпа калаҫса утнӑ.

Ун ҫине 55 «к» маршрутпа ҫӳрекен троллейбус пырса кӗнӗ. Шел те, ача авари вырӑнӗнчех вилнӗ. Халӗ ӗҫ-пуҫа уҫӑмлатаҫҫӗ.

#пӑтӑрмахсем, #Ҫӗнӗ Шупашкар, #ачасем