«Пуринчен малтан» ТГ-каналтан илнӗ сӑнӳкерчӗк

Чӑваш ялӗнче пурӑнакан, халӑх тетелӗнче хӑйсен пурнӑҫӗпе хастар паллаштаракан авторсем (халӗ ун пек ҫынсене блогер теҫҫӗ) «Медиаполе» (чӑв. Медиауй) наци премийӗн финалне лекнӗ.

Вӗсем – Муркаш тӑрӑхӗнчи Валерий Егоровпа Канаш тӑрӑхӗнчи Денис Козлов.

Ҫак икӗ арҫын ҫитес эрнере Мускава, конкурсӑн финалне хутшӑнма кайса килӗҫ.

«Пуринчен малтан» ТГ-канал пӗлтернӗ тӑрӑх, Валерий Егоров – агроблогер. Вӑл ҫемйипе 2 гектар ҫӗр ҫинче ҫӗр ҫырли ҫитӗнтерет. Денис Козлов хӑйӗн блогӗнче ял пурнӑҫӗпе паллаштарать.

Конкурса 79 регионти 1583 ҫын хутшӑннӑ, финала 100 ҫынна суйласа илнӗ.

#конкурссем, #блогерсем, #Муркаш районӗ, #Канаш районӗ, #Мускав, #ял пурнӑҫӗ