cap.ru сайтри сӑн

Шупашкарти тухтӑрсем 13 ҫулти пулӑҫӑн куҫ хупанкинчен вӑлта йӗппине кӑларнӑ.

Арҫын ача пулла кайнӑ. Ӑнсӑртран вӑлта ҫиппи тӑрук вӑйлӑ туртӑннӑ та йӗппи татӑлса куҫ хупанкине кӗрсе ларнӑ. Ачан ашшӗ-амӑшӗ часрах васкавлӑ медпулӑшу чӗннӗ. Арҫын ачана Республикӑри офтальмологи клиника пульницине илсе ҫитернӗ. Унти хирургсем йӗппе кӑларнӑ. Офтальмолог килте сипленмелли рецепт ҫырса парса ачана киле янӑ.

Офтальмологсем асӑрхаттараҫҫӗ: вӑлта йӗппи пӗчӗк пулсан та хӑрушлӑх кӑларса тӑратать. Вӑл куҫа тӑрӑнсан куҫ ҫивӗчлӗхне те ҫухатма пулать.

#сывлӑх, #Шупашкар, #ачасем, #пулӑҫсем, #тухтӑрсем