Шупашкар хулинче пурӑнакан Татьяна Орлова паян 100 ҫул тултарнӑ.
Сарту облаҫӗнче ҫуралнӑскер ача чухне ашшӗ-амӑшӗпе Шупашкар куҫса килнӗ. Ҫичӗ класс вӗренсе пӗтерсен вӑл фармацевтсен шкулне вӗренме кӗнӗ. Унтан 1942 ҫулхи пуш уйӑхӗнче вӗренсе тухсан Тулӑна ӗҫлеме янӑ. Унти аптека тытӑмӗнче тата ҫар госпиталӗнче тӑрӑшнӑ.
Паян кинемей Шупашкарта пурӑнать. Хӑйӗн вӑрӑм ӗмӗр вӑртӑнлӑхне ҫемье лайӑх пулнипе сӑлтавлать. Упӑшкипе, Юрӑпа, вӑл килӗштерсе пурӑннӑ. Анчах 25 ҫул ҫеҫ. Арҫын усал чире пула пурнӑҫран 50 ҫула ҫитичченех уйрӑлса кӗнӗ.
Ватӑ ҫынна Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центр ӗҫченӗсем саламланӑ.
Ҫӗнӗ Шупашкарти больницӑна ҫӗҫӗпе суранланса пӗтнӗ хӗрарӑма илсе ҫитернӗ. Унӑн хырӑмӗ тӗлӗнче ултӑ хутчен ҫӗҫӗпе чикни паллӑ пулнӑ. Пысӑк юн тымарӗ суранланнӑран юн шала кайнӑ.
Больницӑна илсе ҫитериччен хӗрарӑм 1 литра яхӑн юн ҫухатнӑ. Унӑн пурнӑҫӗ хӑрушлӑхра пулнӑ. Ӑна тӳрех операци тунӑ. Вӑл питӗ кӑткӑс пулнӑ: шалти органсем суранланнӑ, хӗрарӑма ҫӑлма вӑхӑт сахал юлнӑ.
Операци ӑнӑҫлӑ иртнӗ. Пациент икӗ кун реанимацире выртнӑ. Ҫав тапхӑрта та тухтӑрсем унӑн пурнӑҫӗшӗн кӗрешнӗ. 10 кунран хӗрарӑма киле янӑ.
Ҫӗнӗ Шупашкарта спорткомплекса юсанӑ чухне рабочи вилнӗ.
Ҫавӑншӑн Йӗпреҫ муниципаллӑ округӗнчи усламҫӑна явап тыттарасшӑн. Тӗпчевҫӗсем шухӑшланӑ тӑрӑх, пӑтӑрмах усламҫӑ ӗҫ хӑрушсӑрлӑхне пӑхӑнманран пулса иртнӗ.
2022 ҫулхи ака уйӑхӗнче 3-мӗш спорт шкулӗ юсав ӗҫне ирттерме строительство организацийӗпе килӗшӳ тунӑ. Инкек пӗлтӗрхи пуш уйӑхӗн 4-мӗшӗнче сиксе тухнӑ. Вентиляци шахтинче 15 метр тӑршшӗ тимӗр пӑрӑха вырнаҫтарнӑ вӑхӑтра пӑрӑхӑн аялти пайне каснӑ чухне ҫав татӑк рабочин пуҫӗ ҫине ӳкнӗ. Шар курни инкек вырӑнӗнчех вилсе кайнӑ.
Ҫӗнӗ ҫул хыҫҫӑнхи пӗрремӗш эрнере ОРВИпе тата гриппа чирлекенсен йышӗ 4 хут пӗчӗкленнӗ, кӑшӑлвируспа вара – 3 хут. Ҫак тапхӑрта гриппа тата ОРВИпе чирленӗ 69 ҫын пульницӑна лекнӗ. 44 ҫыннӑн кашӑлвирус пулнӑ.
Каникулта чирлекенсен йышӗ чакнине ҫынсем ытлах тухса ҫӳременнипе сӑлтавланӑ. Халӗ вара ачасем шкула, ача пахчине кайма пуҫланӑ, ҫавна май чирлекенсен йышӗ те ӳсме пултарать.
Кӑрлач уйӑхӗн 7-мӗшӗнче Ҫӗнӗ Шупашкарта 13 ҫулти хӗрачана машина ҫапса кайнӑ.
Хӗрача 19 сехетре хулари Парк урамӗнчи 35-мӗш ҫурт тӗлӗнче ҫуран ҫӳрекенсене каҫмалли вырӑнпа ҫул урлӑ каҫма тӑнӑ. Ҫав вӑхӑтра ун ҫине «Датсун» автомобиль пырса кӗнӗ. Унтан хӗрача «Лада Калина» машина ҫине сулӑнса кайнӑ.
Пуҫне суранлатнӑ хӗрачана пульницӑна илсе кайнӑ. Ҫӑмӑл автомашинӑсен водителӗсене тӗрӗсленӗ те вӗсем урах пулни палӑрнӑ.
Гигиена тата эпидемиологи центрӗ пӗлтернӗ тӑрӑх, Чӑваш Енре пӗлтӗрхи 10 уйӑхра 46 ҫын коклюшпа чирленӗ, 11 уйӑхра ку кӑтарту 93-е ҫитнӗ.
Патӑрьел, Муркаш, Комсомольски, Шӑмӑршӑ, Етӗрне муниципаллӑ округӗсенче - 1-ер ҫын, Тӑвай округӗнче, Улатӑрта тата Ҫӗмӗрлере - 2-шер ҫын, Куславкка округӗнче, Канашра - 3-шер ҫын, Шупашкар округӗнче - 6 ҫын, Ҫӗнӗ Шупашкарта - 24 ҫын, Шупашкарта 46 ҫын коклюшпа чирленӗ. Пурте -17 ҫул тултарман ачасем.
Чирленисенчен 75-шӗ - коклюшран прививка туманнисем.
Кӑрлач уйӑхӗн 4-мӗшӗнче «Шупашкар—Сурски» ҫул хӗрринче 82 ҫулти мучи транспорт кӗтсе пӗр сехет ытла тӑнӑ. Анчах пӗр машина та чарӑнман.
Шӑнса кӳтнӗ мучие патшалӑхӑн ҫул-йӗр хӑрушсӑрлӑхен инспекторӗсем асӑрханӑ. Вӗсем ним пулман пек вӗҫтерсе иртсе кайман, мучи тӗлӗнче чарӑннӑ.
Ватӑ ҫын чарӑнура пӗр сехет ытла тӑнине пӗлтернӗ. Пакунлисем ӑна килне леҫсе янӑ. Ватӑ ҫын вӗсене пӗтӗм чунтан тав тунӑ.
Раштав уйӑхӗн 3-мӗшӗнче «Шупашкар—Сурски» автоҫул ҫинче, Пӑрачкав ҫывӑхӗнче, автобус ҫаврӑнса ӳкнине Чӑваш халӑх сайчӗ пӗлтернӗччӗ.
Автобусра ларса пынӑ ҫынсенчен 27-шне (вӗсем Чулхуларан) облаҫри клиника пульницине илсе кайнӑ Унсӑр пуҫне тепӗр икӗ ҫын хӑй тӗллӗн тухтӑрсенчен пулӑшу ыйтнӑ. Аманнӑ тепӗр 24 ҫын килте сипленет.
Чӑваш Енӗн Сывлӑх сыхлав министерствинче пӗлтернӗ тӑрӑх, 29 ҫын аманнӑ, ҫав шутран 13 ҫын йывӑр аманнӑ, 14-ӑн — ҫӑмӑл. 2 ҫын, Чӑваш халӑх сайчӗ ун пирки хыпарланӑччӗ ӗнтӗ, вилмеллех аманнӑ.
Автобус рулӗ умӗнче пулнӑ 61 ҫулти водитель тӗлӗшпе пуҫиле ӗҫ пуҫарнӑ.
Нумаях пулмасть, раштав уйӑхӗн 29-мӗшӗнче, Шупашкар муниципаллӑ округӗнче икӗ ФАП уҫӑлнӑ. Вӗсем - Яранкассинче тата Хыркассинче.
Ҫӗнӗ ФАПсенче фельдшер пӳлӗмӗ, процедура пӳлӗмӗ, эмел упрамалли пӳлӗм, санитари пӳлӗмӗ пур. Икӗ ФАПӗнче те эмел сутӗҫ.
Палӑртмалла: 2023 ҫулта Шупашкар муниципаллӑ округӗнче 4 фельдшерпа акушер пункчӗ уҫӑлнӑ.
Канаш патӗнче «Мерседес» автомбиле пула ултӑ ҫн аманнӑ.
Инкек ӗнер, раштав уйӑхӗн 31-мӗшӗнче, 15 сехет тӗлӗнче Канаш хулипе «Маяк» чарӑну хушшинче пулса иртнӗ.
Чӑваш Енӗн Шалти ӗҫсен министерствинче пӗлтернӗ тӑрӑх, «Мерседесӑн» 30 ҫулти водителӗ хирӗҫ килмелли ҫул ҫине тухса вкайнӑ май ҫула май «УАЗ» автомобиле пырса лекнӗ, ҫӑкӑр турттаракан «ГАЗель» машинӑпа ҫапӑннӑ, ун хыҫҫӑн машинсем ҫине «Гранта» автомбиль пырса кӗнӗ.
Инкекре ултӑ ҫын аманнӑ. Вӗсене пульницӑна илсе кайнӑ.
-14.7 °C