Азербайджанра ҫывӑх тӑвансене мӑшӑрланма чарнӑ. Пирӗншӗн, чӑвашсемшӗн (чӑвашсемшӗн кӑна-и, вырӑссемшӗн те) кун пек хыпар тӗлӗнмеллисен йышӗнчен-ха. Ара, пирӗн халӑхӑмӑр ун пек аташмасть. «Ҫичӗ ӑру таран хутшӑнса пурӑнмалла, ҫичӗ ӑру таран пӗрлешме юрамасть», — тесе кукамай хамӑра та калатчӗ.
Иккӗмӗш сыпӑкри тӑвансене мӑшӑрланма кӑҫалхи утӑ уйӑхӗнченпе чарнӑ хыҫҫӑн Азербайджанра ҫемье ҫавӑрнисен шучӗ икӗ хут чакнӑ. Асӑннӑ уйӑхра унта 2694 мӑшӑр ҫемье ҫавӑрнӑ, ку вӑл ҫӗртме уйӑхӗнчинчен икӗ хута яхӑн сахалрах-мӗн.
Пӗрремӗш каналпа кӑтартакан «Непутёвые заметки с Дмитрием Крыловым» телекӑларӑмра хальхинче Чӑваш Енпе паллаштарнӑ. Каларкама ӳкерекенсем Етӗрне, Канаш тӑрӑхӗсенче, Сӗнтӗвӑрринче, «Ясна» этнокомплексра тата ытти хӑш-пӗр вырӑнта пулнӑ.
Кӑларӑма тимлӗ итленисем хӑш-пӗр факт йӑнӑшӗсене асӑрханӑ-ха. Ҫак йӗркесен авторӗ, сӑмах май каласан, туй хыҫҫӑн тӑватӑ кунта ҫӗнӗ мӑшӑр валли чӑвашсем нимелле пӳрт лартса параҫҫӗ тенине илте юлчӗӗ. Хальхи вӑхӑтра ниме, шел пулин те, манӑҫа тухса пырать.
Апла-и, капла-и, федераци телеканалӗпе республикӑмӑр тата чӑваш йӑли-йӗрки ҫинчен каласа кӑтартни паха.
+7.3 °C