Чӑвашсем тӗрӗк халӑхӗсен «Курултай» фестивальне хутшӑнаҫҫӗ. Вӑл Кипрта иртет.
Фестивале Чӑваш Енри, Тутарстанри, Самар облаҫӗнчи чӑвашсем хутшӑнаҫҫӗ. Чӑваш Республикин делегацийӗ йышӗнче — Чӑваш халӑх поэчӗ Раиса Сарпи, Ольга Осипова юрӑҫ, Элтияр Александров журналист, юрӑҫ тата блогер, Чӑваш патшалӑх юрӑпа ташӑ ансамблӗн артисчӗ Лев Плотников. Вӗсем Кипрта чӑваш халӑхӗн культурипе, юрри-ташшипе паллаштараҫҫӗ.
Патӑрьелти 1-мӗш шкул ачисем Китайри фестивале хутшӑннӑ.
Вӗсем Бэйдайхэ хулинче иртнӗ Пӗтӗм тӗнчери наци культурисен фестивалӗнче пулнӑ.
Чӑваш Енри ачасем Китайра чӑваш культурипе, тумӗпе, юрри-ташшипе паллаштарнӑ.
Фестиваль йӗркелӳҫисем Никита Бичурин востоковед Чӑваш Енрен пулнине каласа кӑтартнӑ.
Авӑн уйӑхӗн 8-мӗшӗнче Шупашкар тӑрӑхӗнчи Томакасси ялӗнче чӑваш халӑх юрри-кӗввин фестивалӗ иртнӗ. Ӑна чӑваш фольклорне пухнӑ Гаврил Федорова халалланӑ.
Округри фольклор фестивальне вӑйӑ картине тӑнинчен пуҫланӑ. Унта уява пынӑ мӗнпур коллектив хутшӑннӑ.
Унтан вӗсем хӑйсен пултарулӑхӗпе паллаштарнӑ, чылайӑшӗ Гаврилов Фёдоров репертуарӗнчи хайлавсене янӑратнӑ.
Шӑмӑршӑ округӗнче, «Чӑваш вӑрманӗ» наци паркӗнчи «Липовый кРай» кану уҫланкинче, Кӑмпа фестивалӗ иртнӗ.
Кӑҫал вара кӑмпа чӑннипех те нумай — ҫумӑрӗ те ҫурӗ-ха та. Фестивальте хӑнасем кӑмпаран, вӑрман ҫимӗҫӗсенчен хатӗрленӗ апат-ҫимӗҫе туянма пултаранӑ: пыл, ҫырла, кӑмпа, эмел тата чей курӑкӗсем, сувенирсем…
Пултарулӑх коллективӗсем тата артистсем вара юрӑ-ташӑпа савӑнтарнӑ.
Канаш округӗнчи Сикккасси ялӗнчи Шпаковсен «Тарават» ҫемье ансамблӗ Тутарстанри Ҫӳлти Услон районӗнче иртнӗ фольклор ушкӑнӗсен фестивалӗнче пулнӑ.
Куракансем чӑваш юрӑҫисене кӑмӑллӑн йышӑннӑ, тӗрлӗ енлӗ культурӑна тивӗҫлипе хакланӑ. Чӑваш сӑрине те асӑрхамасӑр хӑварман. Ӑна Шпаковсем ӗлӗкхи рецептпа вӗретнӗ. Хӑнасем ӑна хаваспах тутанса пӑхнӑ.
Чӗмпӗр хулинче иҫӗм ҫырлин фестивалӗ иртнӗ. Унта пирӗн ентеш те палӑрнӑ.
Шупашкарта пурӑнакан хӗрарӑм (шел те, ятне пӗлеймерӗмӗр) фестивальте «Раҫҫейӗн иҫӗм ҫырлин карттине» кӑтартнӑ. Вӑл «Чи пысӑк ҫырла» номинацире ҫӗнтернӗ. Куншӑн ӑна 15 пин тенкӗлӗх сертификат панӑ.
«Чӑваш вӑрманӗ» наци паркӗнче Кӑмпа фестивалӗ иртӗ. Ӑна йӗркелесси йӑлана кӗнӗ ӗнтӗ. Ӑна кӑҫалхипе 12-мӗш хут ирттерӗҫ.
Фестивале хутшӑнакансене юрӑ-ташӑ, куравсемпе конкурссем, ярмӑрккӑ кӗтет. Ҫавӑн пекех унта кӑмпаран хатӗрленӗ тӗрлӗ апатпа сӑйланма май пулӗ.
Фестиваль авӑн уйӑхӗн 6-мӗшӗнче пулать, 11 сехетре пуҫланать.
Ҫитес уйӑхӑн 24-28-мӗшӗсенче Шупашкарта Н.Д. Мордвинов ячӗллӗ регионсем хушшинчи пӗрремӗш фестиваль иртӗ. Ӑна «Волжская премьера» (чӑв. Атӑлҫи премьери) ят панӑ.
Хӑйӗн 100 ҫулхи историйӗнче Вырӑс драма театрӗ Раҫҫӗйри драма коллективӗсен чи лйӑх премьерисемпе пуҫласа паллаштарӗ.
Шупашкара Рязань облаҫӗнчи драма театрӗ, Арзамасри драма театрӗ, Мытищи хулинчи«ФЭСТ» драмӑпа камит театрӗ, Хусанти «Созвездие - Йолдызлык» театр килсе ҫитӗҫ.
Николай Мордвинов — СССР халӑх артисчӗ, вӑл Етӗрнере 124 ҫул каялла ҫуралнӑ.
Чӑваш Енри ушкӑн (вӗсем сӑнӳкерчӗкре сӑнланнӑ) ытарайми Крым Республикине тухса кайнӑ. Кун пирки ҫак йӗркесен авторӗ Лидия Филиппова журналист, поэт, писатель тата публицист Лидия Филиппова хыпарлани тӑрӑх пӗлчӗ.
Чӑваш Енри ҫыравҫӑсем Крымри темиҫе хулара пулӗ: Алуштӑра, Алупкӑра, Гурзуфра, Ялтӑра тата ытти ҫӗрте. Ҫапла, ҫапла пуҫ ҫаврӑнса каймалла! Вӗсем «Книга — это бессмертие» (чӑв. Кӗнеке — вӑл вилӗмсӗрлӗх) Пӗтӗм тӗнчери I литература фестивальне хутшӑнӗҫ. Фестивале Тӑван ҫӗршывӑмӑрӑн аслӑ вӑрҫинче ҫӗнтернӗренпе кӑҫал 80 ҫул ҫитнине халалланӑ.
Чӑваш Енри калем ӑстисем Крымра кун ҫути кӑтартнӑ «Золотой салют колосьев» чӑваш поэзийӗн антологийӗпе паллаштарӗҫ.
Ҫурла уйӑхӗн 16-20-мӗшӗсенче ҫемье командисен хушшинче Пӗтӗм Раҫҫейри ГТО фестивалӗ иртӗ.Чӑваш Ен чысне Йӗпреҫ округӗнчи Ефимовсем хӳтӗлӗҫ
Фестиваль Шупашкарта «Атӑл» физкультурӑпа сывлӑха ҫирӗплетмелли комплексра иртӗ. Ӑна савӑнӑҫлӑ лару-тӑрура 13 сехетре уҫӗҫ.
Ӑмӑртӑва ҫӗршыври тӗрлӗ регионти ҫемьесем хутшӑнӗҫ. Ӳсӗмӗ - 8-69 ҫулсенчисем. Вӗсем ГТО дисциплинисенче тупӑшӗҫ.
+0.3 °C