Туҫи ПППШ-ра хӗл ҫитнӗ май йӗлтӗр ӑмӑртӑвне ирттернӗ. Ӑмӑртӑва Ҫӗрпӳ районӗн 5 шкул ачисем хутшӑннӑ — кӗҫӗн классенчи хӗрачасемпе арҫын ачасем тӗрлӗ дистанцире пӗр-пӗринпе тупӑшнӑ. Ҫавӑн пекех хӑйсен маттурлӑхне аслӑрах классенче вӗренекенсем те кӑтартнӑ.
Малтанхи пекех ку ҫул та мала Туҫи шкулӑн ачисем малти вырӑнсене йышӑнчӗҫ. Хӑйсен ҫулхисем хушшинче ҫак ачасем мала тухрӗҫ: Наташа Терентьева, Алексей Иванов, Любовь Яковлева, Дмитрий Яковлев, Роман Иванов, Валентина Васильева, Владимир Иванов, Татьяна Иванова.
Канаш хулинче тӑваттӑмӗш ҫул ӗнтӗ «Ман Канашӑ» (Мой город Канаш) хаҫат ҫӑмӑл атлетика енӗпе ӑмӑртусем ирттерет. Ҫулран ҫул хутшӑнакансен йышӗ ӳссе пырать. Ӑмӑртӑва Канаш хулинчи ӑмӑртуҫӑсем кӑна мар, республикӑн ытт районтисем те хутшӑнаҫҫӗ. Кӑҫал ку ӑмӑрту авӑн уйӑхӗн 9-мӗшӗнче иртрӗ. Ӑмӑртӑва яланхи пек хула стадионӗнче мар, хулан тӗп лапамӗнче ирттерчӗҫ.
Ӑмӑртӑва ытларах енӗпе шкул ачисем хутшӑнаҫҫӗ. Ҫавна май пӗлтӗр ятарлӑ куҫакан кубок та хатӗрленӗ. Ман хула кубокшӑн шкул ачисем тупӑшаҫҫӗ. Пӗрремӗш хутӗнче ку кубока Канашри 6-мӗш вӑтам шкул ачисем ҫӗнсе илнӗччӗ. Кубок кӑҫал та вӗсен аллинчен тармарӗ — вӗсенчех юлчӗ.
Ӑмӑрту хитре, интереслӗ те савӑнӑҫлӑ иртрӗ. Тепӗр ҫул хутшӑнакансен шучӗ ӳсессе шанас килет.
+11.3 °C