Сайта кӗр | Регистраци | Сайта кӗрсен унпа туллин усӑ курма пулӗ
 +1.3 °C
Мулкачӑн хӑлхи вӑрӑм та хӳри кӗске.
[ваттисен сӑмахӗ]
 

Базиль Кириллов: Ҫӗнӗ орфографи «так макӗсем»

Базиль Кириллов04.05.2018 11:2110230 хут пӑхнӑУлӑштар Кӑларса пӑрах

Базиль Кириллов

 

Ҫук ҫӑкалӑх ҫумӗнчи

Касман Турта Пуҫӗнчи

Арӑ-пирӗш тӑмпӑшал

Тунӑ пулать тӑм пӑшал.

 

Паллах, ҫук-ха тӑм писмен,

Анчах пӗтмен тӑмписмен.

 

Ҫукпа пӗрех ҫын ҫиен,

Анчах нумай ҫынҫиен.

Ҫынҫиен вӑл, хӑямат,

Сӑмахпа ялан кӑшлать.

 

«Хӗр ача ҫуратнӑ тет...»

Уҫӑмсӑрлӑх пӗтерет:

Ах анчах та ах анчах,

Кам ҫинчен пырать сӑмах.

 

Хамӑр ялти пуш хирте

Манӑн чунӑм пушхирте.

 

Хирте ӳсет хуртути,

Кӗмест унран хур тути.

 

Хумханать ҫирӗк тӑрри,

Сиккелет ҫирӗктӑрри.

Ӑнланмалла мар темле,

Кайӑкне пӗрлех ҫырар.

 

Тулӑх пулнипе ҫӗр-шыв

Килӗшет Тӑван Ҫӗршыв.

 

Виҫсӗмӗр те пӗртӑван.

Килмерӗ-ха пӗр тӑван.

 

Ҫинӗшӗнех хыт кукар

Пулмӑп-тӑмӑп хыткукар.

 

«Эс килетӗн тӗк курма

Савӑнатӑп-ха, кумма», —

Тесе ӑшшӑн ҫырнине

Хурав илтӗм ирхине.

 

«Тӗк курмашкӑн» ҫӳреме

Ӗҫсӗр мар эп, шеремет.

Килетӗн-тӗк ман пата

Ҫийӗн лайӑх апата,

Савӑнатпӑр, тупата.

 

Те апла-капла юрать:

«Парнеле утмӑл турат», —

Тесе ҫырнӑ та — инкек,

Ҫапӑ кирлӗ е чечек.

Эсӗ килтӗн тӗк тӗк лар,

Минтертен тӗк ан кӑлар...

«Килтӗн-тӗк» тесе ҫырсан

Ӑнланатпӑр пуль аван.

 

Ешчӗкрен ҫыру илсе

Тӗлӗнсе вулать Илле:

«Пылчӑк тӑк эс урама

Ан чӗн мана выляма...»

- Ара, пылчӑк-тӑк унта

Мӗншӗн тӑкмалла тата.

 

Саспалли вӑл — сас палли,

Сас палли те — саспалли.

Эй, пӗлтерӗшне пула

Уйрӑм, пӗрле ҫырмалла.

 

Чӗлхене сума сӑвар,

Чухӑнлатма кирлӗ мар.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

Хамăр ял // 1594.88.5179
2018.05.05 20:54
Питĕ çивĕч ăслă! Киленсе вуларăм. Кăмăлпа култăм. Маттур, Базиль Кириллов!
Если // 1699.84.0765
2018.05.06 17:28
пĕр хĕрарăма аван, пĕр хĕрарăма çех пулсан та, ЗНАЧИТ чăнах та аван. АВАН НА УРОВНЕ "ЗНАЧИТ".
Agabazar // 2252.22.2391
2018.05.06 22:21
Agabazar
Хамăр Ял Хоспочын, куласса култăн пулĕ-ха та, анчах ху чăвашла текстсене мĕн çине таянса çырма шутлатăн!
Э?
Agabazar // 2252.22.2391
2018.05.06 22:27
Agabazar
ГЕННАДИЙ ФЕДОРОВИЧ ЮМАРТ.

Çак майлашăва пĕрле, уйрăм е дефиспа çырмалла?
Урăхла каласан, хăшĕ тĕрĕс:

1)ГЕННАДИЙ ФЕДОРОВИЧ ЮМАРТ
2)ГЕННАДИЙФЕДОРОВИЧЮМАРТ
3)ГЕННАДИЙФЕДОРОВИЧ ЮМАРТ
4)ГЕННАДИЙ ФЕДОРОВИЧЮМАРТ
5)ГЕННАДИЙ - ФЕДОРОВИЧ - ЮМАРТ
6)ГЕННАДИЙ - ФЕДОРОВИЧ ЮМАРТ
7)ГЕННАДИЙ ФЕДОРОВИЧ - ЮМАРТ
8)ГЕННАДИЙФЕДОРОВИЧ - ЮМАРТ
9)ГЕННАДИЙ - ФЕДОРОВИЧЮМАРТ
....................................................
Агабазару // 2895.14.8030
2018.05.07 21:02
Дурной пример заразителен?
владимир // 3957.56.0551
2018.05.10 03:23
Калаçăва хутшăнни - паха! "Сÿтсе-явнин" усси иккĕленÿллĕ пек. Кулăш енчен - аван. Кулăш тупма-тума пултаракана Л.Н.Толстой та мухтанă тет, ăссăр мар тесе.
Agabazar // 1504.19.2038
2018.05.10 06:18
Agabazar
Чăвашла калаçас пулать кунта. Вырăсла пĕлнипе мухтанам пекки туса ан çÿрĕр, уни-кунисем!
Вообщем // 4011.04.2230
2018.05.10 13:45
больше хотите ЛĔПĔР-ЛĔПĔР?..
Палахерринчен // 1731.05.3805
2018.05.10 13:53
Тӗрӗс, тӑван чӗлхене пӗлес пулать, унпа кӗрешес ҫул ҫине тӑнисене чи малтан пырса тивет ҫакӑ (тӗрӗсҫыраслӑха тӳнтернӗ хӑш-пӗр суя доцентсем пирки сӑмах пырать).
2018.05.17 06:31
Тăван чĕлхене пĕлни кирлех, унсăр мĕнле эпир чăваш тесе калайăпăр хамăра? Тĕрлĕ йышши Вообщем евĕррисем мĕнле витлесен те эпир пур, пулатпăрах.

Страницӑсем: 1, 2

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем