Сайта кӗр | Регистраци | Сайта кӗрсен унпа туллин усӑ курма пулӗ
 +3.0 °C
Ӗмӗр сакки сарлака.
[ваттисен сӑмахӗ]
 

Хыпарсем: самолетсем

Пӑтӑрмахсем
yandex.com сӑнӳкерчӗкӗ
yandex.com сӑнӳкерчӗкӗ

Паян Чӑваш Енри икӗ ҫын Испанирен тӑван тӑрӑха таврӑнма палӑртнӑ. Вӗсем тата Раҫҫейри ытти ҫын «Аликанте – Чулхула» авиарейспа килмелле пулнӑ. Анчах тем сӑлтава пула рейса каярах вӑхӑта куҫарнӑ. Ятарлӑ самолет хӑҫан пуласси те хальлӗхе паллӑ мар. Ҫавӑн пирки ятарлӑ Telegram-каналта пӗлтернӗ. Асӑннӑ ҫыхӑну мелне ют ҫӗршыври ентешӗмӗрсене кӑшӑлвируса пула Раҫҫее илсе килесси пирки хыпарлама юри йӗркеленӗ.

Ака уйӑхӗн 24-мӗшӗ тӗлне ҫапла вара Чӑваш Енӗн 211 ҫынни чикӗ леш енче тӑрса юлни паллӑ, ҫав шутра — 22 ача. Вӗсенчен чылайӑшӗ — Таиландра, Индире, АПШра, Индонезире. Ака уйӑхӗн 10-мӗшӗ хыҫҫӑн Чӑваш Енри 21 ҫынна тӑван тӑрӑха тавӑрма май килнӗ. Вӗсенчен 7-шне — Индирен, 8-шне —Таиландран, 2-шне — Турцирен, 1-ер ҫынна — АПШран, Латвинчен, Кипртан, Испанирен.

 

Ҫул-йӗр

Nordwind Airlines (ку компани «Северный ветер» тулли мар яваплӑ общество ятпа регистрациленнӗ) Шупашкара вӗҫме пӑрахӗ. Ҫӗршывӑн тӗп хулинчен килекен юлашки авиарейса вӑл пуш уйӑхӗн 28-мӗшӗнче пурнӑҫлӗ. Ҫапла вара Шупашкартан Мускава, Мускавран Шупашкара «Победа» лоукостер ҫеҫ ҫӳрӗ.

Маларах асӑннӑ авиакомпани пирӗн республикӑна кӑрлач уйӑхӗнчех вӗҫме чарӑнасшӑн пулнӑ. Шупашкарти аэропортра пӗлтернӗ тӑрӑх, авиакомпани халӑх сахал ҫӳренипе сӑлтавланӑ. Ун чухне расписание ылмаштарса пӑхма йышӑннӑ. Анчах расписание ылмаштарни те нимех те улӑштарайман. Халӗ тата ансат мар эпидеми лару-тӑрӑвӗ те витӗм кӳнӗ.

Шупашкарти аэропорт авиакомпани хӑҫан та пулсан Шупашкара каллех вӗҫме пуҫласса шаннине палӑртнӑ.

Хыпар ҫӑлкуҫӗ: https://www.instagram.com/p/B-GsKtmq6Fl/
 

Сывлӑх
yandex.ru сӑнӳкерчӗкӗ
yandex.ru сӑнӳкерчӗкӗ

Чӑваш Ене Китайран килсе ҫитнӗ ҫынсене пульницӑна вырттарӗҫ. Вулаканӑмӑрсене тӳрех лӑплантарар: вӗсем коронавируспа чирлишӗн мар. Тӗрӗслемелле вырттараҫҫӗ. Йӗрки ҫавӑн пек.

Китай ҫӗршывӗнчен килнӗскерсене Мускаври Шереметьево аэропортӗнче те тӗрӗсленӗ-ха. Унти тухтӑрсем вӗсем чирлине тупса палӑртман. Ҫапах та коронавирус хӑрушшине кура хӑнасене изоляци стационарӗсенче карантинта тытмалла. Кун пек йышӑнӑва ҫӗршывӑн тӗп санитари врачӗн шайӗнче ҫирӗплетнӗ.

Пирӗн республикӑна килнисене, пурӗ 11 ҫынна, Шупашкар районӗнчи инфекци уйрӑмне вырттарма йышӑннӑ. Унта пациентсем валли ятарлӑ условисем туса панӑ. Ӗнер 1 ҫынна Шупашкарти васкавлӑ медицина пульницине вырттарнӑ. Карантин вӑхӑчӗ — 14 кун.

Хыпар ҫӑлкуҫӗ: https://ria.ru/20200206/1564348713.html
 

Республикӑра
https://yandex.ru/images/pad/search?pos=17&img_url=https%3A%2F%2Favatars.mds.yandex.net%2Fget-pdb%2F2124041%2Fdb482037-6a26-4e68-ab21-cb3471f2d1db%2Fs1200&text=%D1%81%D0%B0%D0%BC%D0%BE%D0%BB%D0%B5%D1%82+%D0%BD%D0%BE%D1%80%D0%B4+%D0%B2%D0%B8%D0%BD%D0%B4+%D
https://yandex.ru/images/pad/search?pos=17&img_url=https%3A%2F%2Favatars.mds.yandex.net%2Fget-pdb%2F2124041%2Fdb482037-6a26-4e68-ab21-cb3471f2d1db%2Fs1200&text=%D1%81%D0%B0%D0%BC%D0%BE%D0%BB%D0%B5%D1%82+%D0%BD%D0%BE%D1%80%D0%B4+%D0%B2%D0%B8%D0%BD%D0%B4+%D

«Нордвинд» авиакомпанин Шупашкартан Мускава тата каялла вӗҫекен самолётсен расписанине нарӑс уйӑхӗн 10-мӗшӗнчен улӑштарӗ.

«Шупашкар–Мускав–Шупашкар» расписани ылмашасси пиики Шупашкарти аэропортра пӗлтернӗ. Ҫав кун самолет Мускаври Шереметьево аэропортӗнчен 23 сехет те 40 минутра вӗҫсе тухӗ те тепӗр кун ирхине, 1 сехет те 5 минутра, Шупашкара ҫитӗ. Тепӗр кун 737-800 Boeing Шупашкартан ирхи 6 сехет те 15 минутра хускалӗ. Мускава 7 сехет те 40 минутра ҫитӗ. Кӗҫнерникунсерен самолет 5 минут каярах хускалӗ: 06 сехет те 20 минутра тапранӗ, Мускава вӑл 7 сехет 45 минутра ҫитӗ.

Рейссем кашни кунах пулӗҫ. Билетӑн пӗр майлӑ хакӗ ҫапларах:

«Шупашкар–Мускав» маршрутпа — 1 914 тенкӗрен пуҫласа, «Мускав–Шупашкар» — 2 286 тенкӗрен пуҫласа.

Ҫӗнӗ расписани пуш уйӑхӗн 28-мӗшӗччен вӑйра пулӗ.

Хальхи расписани: «Мускав–Шупашкар» маршрутпа —

09:50–11:10, «Шупашкар–Мускав» маршрутпа — 12:10–13:30.

 

Раҫҫейре

Тутарстан министрӗ авиапассажира пулӑшнӑ. Кӑрлач уйӑхӗн 11-мӗшӗнче Пӗрлешӳллӗ Арап Эмиратӗнчен Хусана килекен самолетра пассажира япӑх пулса кайнӑ. Хӗрарӑм стюардессӑран пулӑшу ыйтнӑ, лешӗ громкоговорительпе — пассажирсенчен. Бортра тухтӑр пур-и тесе кӑсӑкланнине кура Тутарстанӑн сывлӑх сыхлав министрӗ Марат Садыков пулӑшма васканӑ. Хӗрарӑма вӑл кислород маскипе пӗрремӗш пулӑшу кӳнӗ. Самолет Хусанти аэропорта аннӑ ҫӗре унта васкавлӑ пулӑшу машини ҫитсе те ларнӑ, анчах хӗрарӑм пульницӑна кайма килӗшмен.

Марат Садыков 1970 ҫулхи кӑрлач уйӑхенче Пӑва хулинче ҫуралнӑ. Хусанти патшалӑх медицина институтӗнче педиатра вӗренсе тухнӑ. Медицина наукисен докторӗ. Тутарстанӑн тава тивӗҫлӗ тухтӑрӗ.

 

Хулара
forum.na-svyazi.ru сайтран илнӗ сӑнӳкерчӗк
forum.na-svyazi.ru сайтран илнӗ сӑнӳкерчӗк

Ӗнер каҫхине Чӑваш Енре ҫанталӑк япӑхланчӗ – ҫил вӑйланчӗ. Ҫил ҫеккунтра 16 метр хӑвӑртлӑхпа вӗрнӗ. Ҫӗр ҫийӗнчен 700 метр ҫӳллӗшӗнче ҫеккунтра 45 сантиметр хӑвӑртлӑхпа вӗрнӗ. Ку самолетсене самай чӑрмав кӳнӗ.

Ӗнер каҫхине Шупашкар ҫийӗн «Победа» самолет вӗҫсе ҫӳренӗ, аэропорта анса ларайман. Ӗҫ-пуҫ йӗркеллех вӗҫленнӗ. Пӗр сехет те 15 минут кая юлса вӑл аэропорта анса ларнӑ.

Сӑмах май, синоптиксем ҫитес эрнере ҫанталӑк каллех ашӑтасса, ҫумӑр ҫӑвасса пӗлтереҫҫӗ.

 

Республикӑра

«Победа» лоукостер ют ҫӗршывсенчен вӗҫекен рейссенче билет хакне 40 процент ӳстерӗ. Е 25 евро. Хак хӗллехи навигаци пуҫлансан, юпа уйӑхӗн 28-мӗшӗ хыҫҫӑн, хӑпарӗ.

«Победа» компани ют ҫӗршывсенчи аэропортсенче клиентсене регистрациленӗшӗн малтан уйрӑм тӳлеттернӗ. Мускаври транспорт прокуратури авиакомпани тӗлӗшпе суда ҫитнӗ. Лоукостера вӑл ют ҫӗршывсенчи стойкӑра регистрациленнишӗн пассажирсене тӳлеттерме чарнӑ. Ҫав вӑхӑтрах ют ҫӗршывсенчи аэропортсем пассажирсем регистрациленнишӗн авиакомпанисене илеҫҫӗ. Вӑтамран 25 евро (паянхи курспа 1800 тенкӗ). Ҫавна май авиакомпани ҫав тӑкака билет хакне кӗртӗ. Пӗлтӗрхи хӗлле авиабилет хакӗ вӑтамран 4500 тенкӗ тӑнӑ. Апла хак 40 процент ӳсӗ.

Халӗ «Победа» 28 направленипе вӗҫет: иккӗ – Ҫывӑх Хӗвелтухӑҫне, пӗрре – Армение (Гюмри), ыттисем – Европӑпа Турцие.

«Победа» билечӗсем йӳннине кура ытти авиакомпани те хака чакарма тӑрӑшать. Авиабилетсене лоукостер хаклатнине кура ытти авиакомпани те хака ӳстерессине тавҫӑрма йывӑр мар.

 

Республикӑра
moyes-russia.com сайтри сӑн
moyes-russia.com сайтри сӑн

Вӑрнар районӗнчи Ҫӗньял Хапӑс ялӗнче пурӑнакансем тӳпере самолет вӗҫнӗ сасса итлесе йӑлӑхнӑ. Ара, пӗр пилот икӗ уйӑх ял ҫийӗн вӗҫсе ҫӳренӗ.

Ҫынсем транспорт прокуратурине ҫӑхавланӑ. Пӗр вырӑнлӑ самолет ял ҫийӗн вӗҫсе саккуна пӑсмасть-и? Ведомствӑна ҫакна тӗрӗслеме ыйтнӑ.

Пилот, 32 ҫулти арҫын, ҫак ялтах ҫуралнӑ-мӗн, халӗ Мускавра пурӑнать. Вӑл ял ҫийӗн вӗҫсе чӑнах та саккуна пӑснине палӑртнӑ. Тӗрӗслев материалӗсене Ространснадзора ярса панӑ. Пилот штраф тӳлеме пултарӗ: 25-50 пин тенкӗ.

 

Раҫҫейре

«Ан-12» ҫарпа транспорт самолечӗ Екатеринбургра васкавлӑн анса ларнӑ. Самолета хулари Кольцово аэропортӗнче антарса лартма йышӑннӑ. Хыпара «Новости» Раҫҫейӗн информаци агентстви регионти экстренлӑ тытӑмсем пӗлтерни тӑрӑх хӑйӗн лентине вырнаҫтарнӑ.

Никам та аманман. Ку вӑл —малтанласа пӗлтернӗ тӑрӑх.

Самолет васкавлӑ мӗншӗн анса ларнине авиаци специалисчӗсем палӑртӗҫ.

Baza телеграм-канал пӗлтернӗ тӑрӑх, бортра 17 ҫын пулнӑ. Самолета лартнӑ чух унӑн шасси темшӗн уҫӑлман. Мӗншӗн уҫӑлманнин сӑлтавӗ хальлӗхе паллӑ мар. Самолет «хырӑм» ҫине анса ларнине официаллӑ ведомствӑсем ҫирӗплетмен.

Ҫарпа транспорт авиацийӗн самолечӗпе сиксе тухнӑ пӑтӑрмахӑн сӑлтавне авиаци специалисчӗсем ҫеҫ уҫӑмлӑн калайӗҫ.

 

Республикӑра

Шупашкар аэропорчӗ ҫуллахи навигаци тапхӑрӗ вӗҫленнине пӗлтерет. Юпа уйӑхӗн 27-мӗшӗнче аэропорт хӗллехи тапхӑра куҫӗ. Кӑнтӑр енне вӗҫнӗ самолетсем ҫуллахи тапхӑр вӗҫленнӗ хыҫҫӑн кӑнтӑр енне Шупашкартан ҫӳреме пӑрахӗҫ.

«Икар» авиакомпани Мускава каякан ирхи рейса каярах вӑхӑта куҫарать. «Победа» авиакомпанин расписанийӗ те самай ылмашӗ.

Шупашкарти аэропортӑн кӗрхи-хӗллехи вӑхӑтри расписанийӗпе ҫак каҫӑпа http://aerocheb.ru/passazhiram/zimnee-raspisanie/ иртсе паллашма пулать.

Аса илтерер: Питӗре хальхи вӑхӑтра самолетсем эрнере икӗ хутчен хутлаҫҫӗ. Ҫӗнӗ навигаци тапхӑрӗ пуҫлансан самолетсем эрнере виҫӗ хут вӗҫӗҫ. Шупашкартан самолет 15 сехет те 35 минутра хускалӗ, Питӗрти Пулково аэропортран Чӑваш Ен тӗп хулине — 12 сехет те 55 минутра. Авиапассажирсене «B-738» самолет турттарать. Шупашкартан Питӗр хулине вӑл 2 сехет те 10 минут вӗҫет.

Хыпар ҫӑлкуҫӗ: https://vk.com/wall-130125697_1206
 

Страницӑсем: 1, 2, 3, [4], 5, 6, 7, 8, 9, 10, 11, 12
Orphus

Баннерсем

Шутлавҫӑсем

6 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (31.10.2020 03:00) тӗтреллӗ ҫанталӑк, атмосфера пусӑмӗ 754 - 756 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнене лăпкă ирттерĕр. Канăр, çывăрса тăранăр – сирĕн вăй-хал халĕ пĕтсех çитмен-ха, çапах инфекцие парăнас хăрушлăх пур. Хăвăра мĕнле туйнине сăнаса тăрăр. Кăштах аптăрасанах тухтăр патне кайăр.

Юпа, 30

1908
112
Алатырцев Владимир Иванович, сӑвӑҫ, тӑлмач ҫуралнӑ.
1918
102
Хусанти РКП(б) губкомра чӑваш секциӗ йеркеленнӗ.
1926
94
Рогачёв Яков Капитонович, чӑваш сӑвӑҫи, ҫыравҫи ҫуралнӑ.
1946
74
Спиридонов Григорий Спиридонович, пӗрремӗш профессионаллӑ пӗлӳ илнӗ чӑваш скульпторӗ вилнӗ.
2005
15
Ефимов Георгий Андреевич, чӑваш сӑвӑҫи, ҫыравҫи, тӑлмачӗ вилнӗ.
2007
13
Шорникова Елена Васильевна, чӑваш актриси вилнӗ.
2010
10
Иванов Владимир Миронович, Чӑваш АССРӗн тава тивӗҫлӗ художникӗ вилнӗ.
Пулӑм хуш...Пулӑм хуш...

Ыйтӑм

Чӑваш халӑх сайтӗнче цензура пулмалла-и?
Маншӑн ҫавах
Пулмалла, анчах виҫеллӗ
Паллах, пулмалла, унсӑр ӑпӑр-тапӑр япала лартма пулать!
Ку ыйтӑва редакци татса памалла
Ҫук, хуть те мӗнле материала ирӗклӗн вырнаҫтармалла
Эпир Facebook-ра 1370+
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org