Юрий Вирьял (Юрий Петрович Петров) 1936 çулхи çурла уйăхĕн 18-мĕшĕнче Чăваш Республикин Красноармейски районĕнчи Еншик Чуллăра учитель кил-йышĕнче çуралнă. Малтан хăйсен ялĕнчи тулли мар вăтам шкултан, унтан Красноармейскинчи вăтам шкултан вĕренсе тухнă. 1955-1961 çулсенче Шупашкарта И.Я.Яковлев ячĕллĕ педагогика институтĕнче вĕреннĕ. Ун хыççăн А.М.Горький ячĕллĕ Литература институтĕнчен куçăмсăр майпа мар вĕренсе тухнă.
1961-1962 çулсенче Ю.Петров Красноармейски районĕнчи «Коммунизм çулĕпе» хаçат редакцийĕнче, унтан республикăри А.М.Горький ячĕллĕ тĕп библиотекăра ĕçленĕ. Ун хыççăн виçĕ çул Чăваш кĕнеке издательствинче илемлĕ литература кĕнекисем редакциленĕ, 1966 çултан пуçласа «Пионер сасси» хаçат редакцийĕнче вăй хунă, унтан культура министерствине куçнă.
1967 çулта Ю.Петрова СССР писателĕсен союзĕн членне илнĕ. Ăна Чăваш Республикин культурăн тава тивĕçлĕ ĕçченĕ ятне панă.
Вăл 1993 çулхи авăн уйăхĕн 16-мĕшĕнче вилнĕ.
Ю.Вирьял ача-пăча валли те çырнă, тĕрлĕ халăх поэзине чăвашла куçарнă. Чăваш композиторĕсем унăн виç çĕре яхăн сăввине юрра хывнă. Паллăрах кĕнекисем: «Çăмăл çунатсем» (1959), «Сенкерленчĕ шуçăм» (1962, 1991), «Çулçă çумăрĕ» (1964), «Тупа» (1975), «Шăпчăк юрриллĕ кĕтес» (1980), «Туслăх асамачĕ» (1985), «Ырми-канми çăл куçĕ» (1986).
Хайлавĕсем
Шухăшсем
I registered on the website last week an...
Yesterday I received a message that I ne...
Эп ку сăвва тоже шкулта вĕреннĕ чухне пĕ...
Борлен «Сувар» редакторĕ пулнă Сорокинпа...
Виççĕри ачана «хĕр пĕрчи» темеççĕ пуль
пӳрт сутнă кун тени пурччĕ таçта
Питĕ лайăх çырнă,чуна пырса ответь...
Хочу поделиться замечательными курсами з...
Вĕçлемĕш ик йĕрки асăма килсех тăратччĕ ...
Вячеслав! "Шурё юрлё" (Белым снегом) юрр...