Кӑшӑлвирус сӗмӗпе тӗрлӗ мера йышӑнаҫҫӗ. Ҫӗршывӗпех ҫавӑн пек пулса кайрӗ. Мускавра ҫӳҫ кассан Чӑвашра пуҫ касаҫҫӗ тес килмест те, анчах йӗркене ҫирӗплетнӗҫем ҫирӗплетсех пыни куҫкӗрет.

Кафесемпе ресторансен каҫхи 11 сехетрен пуҫласа ирхи 6-ччен клиентсене кӗртме юрамасть. Туянакансене ҫав вӑхӑтра вӗсен апат-ҫимӗҫе киле илсе каймалла ҫеҫ сутма юрать.

Хулара рейдсем йӗркелеҫҫӗ. Шупашкарӑн сити-менеджерӗ Алексей Ладыков Фейсбукра пӗлтернӗ тӑрӑх, унчченхи каҫ 7 кафе йӗркене пӑснине тупса палӑртнӑ, ҫӗркаҫ тата тепӗр виҫӗ кафе: «Панорама» кальяннӑй, «Депо» бар-кальяннӑй, «Mars» лофт-бар – ҫакланнӑ. Вӗсен тӗлӗшпе административлӑ протоколсем ҫырнӑ.

#Шупашкар, #саккунсем, #хӑрушсӑрлӑх, #пӑтӑрмахсем, #тӗрӗслевсем