Нарӑсӑн 19-мӗшӗнче Вӑрмар районӗнче «Аван - Полимер» ТМЯО уҫӑлчӗ. Предприятине Чупай ялӗнче ҫуралса ӳҫнӗ Павловсем тата район пулӑшнипе уҫма май тивнӗ. «Аван - Полимер» шӑвармалли шлангсем туса кӑларӗ, ҫулталӑк хушшинче 12-15 миллион тенкӗ тупӑш илме палӑртнӑ. Хальлӗхе унта 33 ҫын ӗҫлет, каярах ӗҫ вырӑнӗсен шутне 55 ҫитерме палӑртнӑ.

Мероприятине чӑваш юрри-ташшисемпе пуҫларӗҫ. Ҫавӑн пекех хӑйсен сӑмахӗсене «Аван – Полимер» пуҫлӑхӗ О. Ильин, район пуҫлӑхӗ В. Кириллов, Чӑваш Ен экономикӑпа суту-илӳ аталанӑвӗн министрӗн ҫумӗ А. Быченков тата ыттисем тухса сӑмах каларӗҫ.

Хӗрлӗ хӑйӑва Вячеслав Кирилловпа Олег Ильин татрӗҫ.

Хыпар ҫӑлкуҫӗ

#Вӑрмар районӗ, #промышленность, #Чупай