forum.na-svyazi.ru сӑнӳкерчӗкӗ

Патӑрьел районне чылай ҫул ертсе пыракан Рудольф Селиванова «Чӑваш Республики умӗнчи тава тивӗҫлӗ ӗҫсемшӗн» орден медалӗпе чыслама йышӑннӑ. Хушӑва республика Элтеперӗ кӑрлач уйӑхӗн 30-мӗшӗнче алӑ пуснӑ.

Рудольф Васильевич 1964 ҫулхи авӑн уйӑхӗн 3-мӗшӗнче Патӑрьел районӗнчи Кӗҫӗн Арапуҫ ялӗнче ҫуралнӑ. Малтан Чӑваш ял хуҫалӑх институтӗнчен агронома вӗренсе тухнӑ, унтан — Раҫҫейӗн халӑх хуҫалӑхӗн академийӗнчен. Район администрацине 2015 ҫулхи юпа уйӑхӗнченпе ертсе пырать.

#чыславсем, #Элтепер, #тӳре-шара, #медальсем, #Патӑрьел районӗ, #Кӗҫӗн Арапуҫ