Инкеклӗ лару-тӑру министерстви тунӑ сӑн

Елчӗк округӗнчи Кивӗ Эйпеҫ ялӗнче кивӗ чиркӳ ҫунса кайнӑ. Вӑл 150 ҫул каялла, 1881 ҫулта, йывӑҫран хӑпартнӑскер пулнӑ.

Инкек пуш уйӑхӗн 24-мӗшӗнче ҫур ҫӗр хыҫҫӑн ир еннелле, 3 сехет ҫурӑра, пулнӑ. Ҫулӑм йывӑҫ чиркӗве хӑвӑрт ярса илнӗ. Пушарнӑйсем шӑнкӑрав пулсан 14 минутран вырӑна ҫитнӗ. Анчах ҫав вӑхӑт тӗлне ҫулӑм ҫур чиркӗве тӗп тума ӗлкӗрнӗ ӗнтӗ.

Пушар чиркӗве йӑлтах тӗп тунӑ, кирпӗч каркас кӑна юлнӑ. Вырӑна район прокурорӗ Александр Кудряшов ҫитнӗ. Вӑл пушар тӗлӗшпе тӗрӗслев ирттерме хушнӑ.

#пӑтӑрмахсем, #Елчӗк районӗ, #Кивӗ Эйпеҫ, #пушарсем, #ҫӑлавҫӑсем, #чиркӳсем